138 पटक पढिएको
धनगढी–सुदूरपश्चिममा बुधबार थप ३८ जनामा कोरोना भाइरसको संक्रमण पुष्टि भएको छ।
पछिल्लो २४ घण्टामा पीसीआर र एन्टिजेन विधिबाट ९ सय १२ जनाको परीक्षण गर्दा थप ३८ जनामा कोरोना पुष्टि भएको हो। पछिल्लो २४ घण्टामा १ सय १९ जनाको पीसीआर परीक्षण गर्दा २४ जना संक्रमित पाइएका छन् भने, ७ सय ९३ जनाको नमूना एन्टिजेन विधिबाट परीक्षण गर्दा थप १४ जनामा कोरोना पुष्टि भएको हो ।
सेती प्रादेशिक अस्पतालको प्रयोगशालामा पछिल्लो २४ घण्टामा ९३ जनाको कोरोना परीक्षण भएकोमा १९ जनामा संक्रमण पुष्टि भएको छ । त्यस्तै डडेल्धुरा अस्पतालमा १६ जनाको परीक्षण गर्दा ३ जनामा र महाकाली अस्पतालमा १० जनाको नमूना परीक्षण गरिएकोमा २ जनामा कोरोना पुष्टि भएको छ ।
सुदूरपश्चिममा हालसम्म पीसीआर र एन्टिजेन विधिबाट गरि ३ लाख ३९ हजार ३ सय १७ जनाको नमूना परीक्षण भएकोमा ४६ हजार ९ सय ८७ जनामा कोरोना भाइरसको संक्रमण पुष्टि भएको छ भने, ५ सय ९१ जनाले ज्यान गुमाएसकेको छन् ।
दिनेश खबरबाट साभार
