मिन बहादुर खड्का/बाजुरा– नेपाली काँग्रेस प्रदेश (ख) को प्रदेश अधिवेशन आजबाट सुरू भएको छ । नेपाली काँग्रेसको केन्द्रीय महाधिवेशन सर्कुलर अनुसार बाजुरा जिल्लाको प्रदेश निर्वाचन क्षेत्र नं क को अधिवेशन मार्तडीमा सुरु भएको छ । आज एक औपचारीक कार्यक्रमका बिच अधिवेशन सुरु गरिएको हो ।
गत असोज ५ गते वडा अधिवेशन तथा गत असोज ९ गते नगर अधिवेशन सर्वसहमतीका आधारमा सम्पन्न गरी आजबाट निश्चित समयमै प्रदेश अधिवेशन सुरू गरिएको प्रदेश (ख) का सभापति दिपक बिक्रम शाहले जानकारी दिए ।

वडा अधिवेशन तथा पालिका अधिवेशनहरु एक वडा र एक पालिका बाहेक अन्य प्रदेश ख का सबै पालिकामा सर्वसहमतीका आधारमा अधिवेशन सम्पन्न गरेको प्रदेश (ख) ले जनाएको छ । अव आसन्न जिल्ला अधिवेशनमा सभापतिका लागि नेपाली कांग्रेस बाजुराका बरिष्ठ नेता राम सिंह रावल, पुर्व संबिधान सभा सदस्य माननिय माहा नेपाली, युवा नेता तथा माहाधिबेशन प्रतिनिधि चक्र बहादुर शाह, नेपाली कांग्रेसका जिल्ला सभापत कविराज पण्डित, गरी चार जना सभापतिका लागि उम्मेदवारहरु रहेको बताइएको छ ।

प्रदेश निर्वाचन क्षेत्र नं (ख) को तर्फबाट सभापतिका उम्मेदवारहरु धेरै भएपनि अन्तिममा सहमतिका आधारमा नेतृत्व चयन गर्ने र सिङगो नेपाली कांग्रेस एकिबद्ध भएर हातेमालो गर्दै एकताको अधिवेशन संम्पन्न गर्नका लागि नेता कार्यकर्ताहरु जिल्ला सडरमुकाममा आइपुगेका पनि नेपाली काँग्रेस बाजुरा प्रदेश (ख) ले जनाएको छ । एकताको अधिवेशन गर्ने नेपाली कांगे्रस बाजुराको सुरु देखिको अठोट रहेको पनि बताइएको छ ।

नेपाली काँग्रेस प्रदेश (ख) का सभापति दिपक बिक्रम शाहको अध्यक्षतामा संचालन भएको कार्यक्रममा प्रमुख अतिथि नेपाली कांग्रेसका जिल्ला सभापति कविराज पण्डित रहेका थिए भने । कार्यक्रममा बिशिष्ट अथिति पुर्व संबिधान सभा सदस्य देवराज जाशी, संबिधान सभा सदस्य माहा नेपाली, नेपाली कांगे्रस बाजुराका नेता पदम शाही, पुर्व पार्टी सभापति मान बहादुर रावल, अथिति नेपाली कांगे्रस संगठन बिभाग प्रमुख धनराज पण्डित, केन्द्रिय सदस्य महिला नेतृ जुना दानी, लगायत प्रदेश (ख) का संम्पुर्ण पालिकाका सभापति र जिल्ला स्थित नेपाली कांगे्रस आस्थावान नेता तथा कार्यर्कताहरुको बाक्लो उपस्थिति रहको थियो ।
कार्यक्रमको संचालन नेपाली काँग्रेस बाजुराका सचिव रनसिंह अएडीले गरेका थिए । कार्यक्रम मार्तडीको कवड हलमा भएको थियो ।