305 पटक पढिएको
राम बहादुर दानी/बाजुरा– नेपाली काँग्रेसको १४ औँ जिल्ला महाधिबेशन र सातौँ जिल्ला अधिबेशनले वडा तथा पालिका स्तरको नेतृत्व चयन गरि सके पश्चात जिल्ला प्रदेश अधिबेशन सुरु भएको थियो । प्राय नेपाली काँग्रेस बाजुराले सहमति कै आधारमा जे बोलेको थियो त्यही गरेको छ । नेतृत्व चयन गर्दा नेपाली काँग्रेस बाजुराले सहमति र एकताको अधिबेशन बनाउने कुरामा जनतालाई बिश्वास दिलाउदै आएको थियो । जिल्लाका ९ वटै स्थानिय तह र ६९ वटा वडाहरुको अधिबेशन पनि सहमतिबाटै सम्पन्न भएर नेतृत्व चयन भएको थियो ।
यसै क्रममा जिल्लाको प्रदेश (क) र प्रदेश (ख) मा पनि असोज १३ गते बाट अधिबेशन सूरु भएको हो । प्रदेश (क) को अधिबेशनमा नेपाली काँग्रेस जिल्ला कार्य समिति कोषाध्यक्ष नारायण पाध्याय र बुढीनन्दा नगरपालिका वडा नं.४ का वडा अध्यक्ष राम बहादुर बोहराको उम्मेद्वारी रहेको थियो । बुधबार बिहानै देखी दुबै जना उम्मेद्वार विच सहमति गराउदा गराउदा बेलुकी मात्र दुबै जना उम्म्द्वारले एक आपसमा सहमति गरेर नेता बोहरा प्रदेश (क) को सभापतिमा चयन भएका हुन । नेता बोहरा नेपाली काँग्रेसको १३ औँ महाधिबेशन र छैठौँ जिल्ला अधिबेशनमा महाधिबेशन प्रतिनिधीमा बिजयी हुनु भएको थियो ।
