102 पटक पढिएको
छक्क मल्ल– बिश्वब्यापी .रुपमा बढ्दै गएको कोरोनाको महामारीको बेला बजारमा खाद्य बस्तुको कालोबजारी हुन सक्ने भन्दै घरेलु तथा साना उद्योग कार्यालय बाजुराले बजार अनुगमन गरेको छ । बजारमा म्याद सकिएका खाद्य बस्तु बिक्रि वितरण हुन सक्ने र सर्ब साधारणहरुमा थप स्वास्थ्य समस्या पर्न सक्ने भन्दै मंगलबार बडीमालिका र गौमुल गाँउपालिकका स्थानिय बजारहरुको अनुगमन गरिएको छ । अनुगमनमा ब्यापारीहरुले म्याद गुर्जेका खाद्य बस्तुहरु बिक्रि वितरणका लागी राखेको पाइएकोले अनुगमन टोलीले सो म्याद गुजे्रका खाद्य बस्तुहरु नष्ट गरेको छ ।
गौमुल गाँउपालिकाको घटमुना बजार, बडीमालिकाको घटमुना र रजाली स्थित वडा नंं ३ मा रहेको स्थानिय बजारमा अनुगमन गर्दा सुजि, सेनिटाइजर, चाउचाउ, फुर्टी लगायतका म्याद गुजे्रका खाद्य बस्तुहरु नष्ट गरिएका हुन । जिल्ला प्रशासन कार्यालय, कोष तथा लेखा नियन्त्रण कार्यालय, घरेलु तथा साना उद्योग कार्यालयका कर्मचारीहरु, सुरक्षाकर्मी, गौमुल गाँउपालिकाका कर्मचारी तथा प्रतिनिधी र नेपाल पत्रकार महासँघ बाजुराका अध्यक्ष छक्क बहादुर मल्लले सो अनुगमन गरेका हुन ।
यसरी महामारीको समयमा जिल्लाका अन्य स्थानिय तथा मुख्य बजारहरुमा पनि म्याद गुर्जेका खाद्य बस्तुहरु बिक्रि वितरण हुन सक्ने अनुगमन टोलीले बताएको छ । आगामी दिनहरुमा पनि सर्बसाधारणहरुलाई म्याद गुर्जेका खाद्य बस्तुहरु उपभोग गर्नु नपरोस भनी जिल्ला ब्यापी रुपमा अनुगमनको अभियान चाल्ने घरेलु तथा साना उद्योग कार्यालयका बरिष्ट उद्यम सहजकर्ता पदम ऐरले जानकारी दिए ।
प्रतिक्रिया
सम्बन्धित खवर
