राम बहादुर दानी– बैसाख २२ गते देखि ३१ गते सम्म निषेधाज्ञा जारी हुँने गरी जिल्ला प्रशसन कार्यालय बाजुराले २० गते निर्णय जारी गरेको थियो । निषेधाज्ञाको प्रभाव मार्तडी बजारमा बुधवार देखि परेको छ । सधैको जस्तै मार्तडी बजारमा खुल्ने पसलहरु भने बुधबार सुनसान भएका छन । केहि पसलहरु भने जानकारी नपाएको भन्दै फाटफुट खोल्ने प्रयासमा थिए भने बजारमा कति बेला कुँन पसल खोल्ने भन्ने बिषयमा केहि स्थानियहरुले आपसमा गरनगान गरेको पाईको छ । सदरमुकाम मार्तडीका हरेक चोक चोक र बजार भरीका पसलहरु बन्द हुँदा बजार नै सुनसान देखिएको छ ।

कोभिड १९ संकट ब्यबस्थापनको बैठकले अत्याश्यक काम बाहेक वाहिर ननिष्कने, एम्बुलेन्स बिरामी तथा कुरुवा सवारी साधन, सव बहान,खाद्य सामाग्री तथा फलफुल, दुग्घ पदार्थ, माछा, मासु, पानी, ग्याँस, पेट्रोल औषधि लगायतका अत्यावश्यक सामाग्रीहरु बोकेका गाडीहरुलाई मात्र संचालन गर्न दिने निर्णय गरेको थियो ।

खाद्यान्न,फलफुल,दुध,तराकारी,माछा,मासु बिक्रि गर्ने पसलहरु बिहान ६ बजे देखि दिउसो १ बजे सम्म र दिउसो ४ बजे देखी ६ बजे सम्म मात्र अखोल्न पाइने भएको छ । खाद्यान्नका सामाग्रीका पसलहरु बाहेक होटेल, रेष्टुरेन्ट,क्याफे, बार लगायतका होटेल तथा पसलहरु बन्द रहने पनि निर्णयमा बताइएको थियो । कुनै पनि उद्योग,सार्वजनिक निर्माण सम्बन्धि काम गर्ने कामदारहरुलाई उद्योग परिसर वा निर्माण स्थल नजिकै खान र बस्नको ब्यबस्था गर्नु पर्ने साथै स्वास्थ्य तथा सुरक्षाका मापदण्डहरु प्रयोग गरेर मात्र काम काज गर्न पाइने छ ।

यसरी जिल्ला प्रशासन कार्यालयले गरेका निर्णय विपरित कोहि कसैले स्वास्थ्य मापदण्डको नियम सदुपयोग नगरेको पाईएमा संक्रमक रोन ऐन, २०२० को दफा २ । स्थानिय प्रशासन ऐन २०२८ को दफा ६ (३) वमोजिम कार्वाही हुने समेत प्रसासनको निर्णयमा भनिएको छ । स्वास्थ्य, सुरक्षा, बिद्युत, खानेपानी, औषधी तथा औषधीजन्य उत्पादन तथा बिक्रि वितरण लगायतका अत्यावश्यक सेवा तथा कार्यहरु बाहेका सरकारी तथा गैर सरकारी कार्यालयबाट प्रबाह हुने सेवाहरु पव्रवाह नगर्ने भएको छ । निषेधाज्ञाको समयमा औषधी र स्वास्थ्य सामाग्रीका पसलहरु २४ सै घण्टा खुला रहने छन भने सुंचारकर्मीको हकमा आधिकारिक निकायबाट जारी गरिएको प्रेस पास/परिचयपत्रको आधारमा मात्र आवत जावत गर्न पाइने भएको छ ।