295 पटक पढिएको
बाजुरा/कार्तिक,१- अस्थायी कोभिड अस्पताल टाँटेलाई स्वास्थ्य सामग्री हस्तान्तरण गरिएको छ। नेपाल कम्युनिष्ट पार्टी (एमाले)का नेता सचिवालय सदस्य तथा जिल्ला अस्पताल बाजुराका अध्यक्ष समेत रहेका नेता भरत थापाले आफ्नो ब्यक्तिगत तर्फबाट टाटे स्वास्थ्य चौकिलाई स्वास्थ्य सामाग्री हस्तान्तरण गरेका हुन्।
कोभिड १९ को जोखिम हालसम्म पनि कायमै भएको अवस्थालाई मध्यनजर गरी टाटे कोभिट अस्पताललाई उनले ब्यक्तिगत रुपमा अक्सिजन कन्सनट्रेटर, पीपीई, मास्क, लगायत ३ लाख बराबरको स्वास्थ्य सामग्री हस्तान्तरण गरेका हुन्।
उनि राजनीतीसंगै पछिल्लो समय समाजसेवामा समेत सक्रिय रहेका छन्। नेता थापाले आफू सोही नगरपालिकाको स्थानीय भएकोले कोभिड महामारीको समयमा सहुलियत होस भन्ने हेतुले सहयोग गरेको बताए।
थापाले यसअघी पनि जिल्लाका अन्य स्वास्थ्य संस्थााई स्वास्थ्य सामग्री हस्तान्तरण तथा नगरपालिकामा शैक्षिक संस्थाहरुमा पनि सहयोग गर्दै आएका छन्। स्वास्थ्य सामग्री बुढिगङ्गा नगरपालिकाका नगर उपप्रमुख तारा मार्फत हस्तान्तरण गरिएको थियो।
सामग्री सहयोग गरेको भन्दै थापालाई नगरपालिका र अस्थायी कोभिड अस्पताल टाँटेले धन्यवाद ज्ञापन गर्यो। नेता थापाले आफु निरन्तर नगरबासिको सेवामा खटिएको र भोलिकभन्दै आगामी दिनमा पनि आफुले सक्ने सेवाको लागि पछि नहट्ने प्रतिवद्धता जनाए।
