147 पटक पढिएको
बाजुरा– असोज ३१ गते देखि आएको अविरल बर्षाका कारण शुदुरपश्चिमका अधिकाँश पहाडी जिल्लाहरुमा संचार सेवा अवरुद्व भएको छ । शुदुरपश्चिमको कैलाली, कञ्चनपुर र डढेल्धुरा बाहेक अन्य पहाडी जिल्लाहरुमा बिभिन्न ठाँउमा रुखहरु ढलेर अप्टिकल फाइवर चुडिदा संचार सेवा अवरुद्व भएको जानकारी प्राप्त भएको छ ।
बाजुरा, बझाङ्ग, अछाम, दार्चुल्ला र डोटी लगायतका जिल्लाहरुमा बिगत ४ दिन देखि संचार सेवा अवरुद्व हुदा जनताहरुले ठुलो सास्ती खेप्नु परेको थियो । बुधबार रातीबाट मात्र संचार सेवा सुचारु भए पश्चात अविरल बर्षाका कारण बिभिन्न ठाँउहरुमा बाढी पहिरो जाँदा ठुलो धन जनको क्षति हुन पुगेका खबरहरु बाहिरिएका छन ।
डढेल्धुरा जिल्लाको बुढीतोला र अछाम जिल्लाको सिउडीमा रहेको टावरमा अप्टिकल फाइवरमा समस्या आउदा पुरै पहाडी जिल्लाहरुमा संचार सेवा अवरुद्व भएको थियो । यसरी संचार सेवा अवरुद्व हुदा ४ दिन लामो आएको अविजरल बर्षले आएको वाढीबाट २८ जनाको ज्यान गएको समाचार प्राप्त भै सेकेको छ भने अझै कुनै ठाँउमा संचार अवरुद्व नै भएका कारण थप के कति मानविय क्षति भयो भन्ने कुराको एकनि तथ्य आउन बाँकी रहेको छ ।
संचार अवरुद्व भए कै कारण बिकट बस्तीहरुमा पनि अविरल बर्षाका कारण बाढी पहिरो आउदा ठुलो क्षति भएको हुन सक्ने सम्भावना देखिएको छ । बिभिन्न ठाँउमा आएको वाढीबाट धन जनको क्षति हुदा संचार अवरुद्व भएकै कारण समयमा उद्वार तथा राहत उपलब्द गर्न नसकिएकै कारण थप क्षतिको विवरण आउन सक्ने सम्भावना देखिएको छ । अधिकाँश जिल्लाहरुबाट बाढी पहिरोमा परी मृत्यु हुनेको संख्या बढ्नुका साथै थुप्रै परिवारहरु विचल्ली भएको समाचार प्राप्त भएका छन् । अँझै पुर्ण रुपमा संचारको सुधार नभए सम्म कहा के कति क्षेति भयो भन्ने कुराको एकिन डाटा संकलन गर्नमा समस्या आएको छ ।
अविरल बर्षाका कारण अवरुद्व भएको संचार सेवा पुर्ण रुपमा मर्मत सम्भार हुन नसक्दा पुनः पनि बिच्छेद हुन सक्ने अनुमान गरिएको छ ।
प्रतिक्रिया
सम्बन्धित खवर
