97 पटक पढिएको
राम बहादुर दानी/बाजुरा– नेपाली काँग्रेस त्रिवेणी नगरकार्य समितिले एक कार्यक्रमका साथ दशै तिहारको अवसरमा शुभकामना आदान प्रदान गरेको छ । दशै तिहारको अवसर पारेर नगर समितिले भेटघाटको साइत जुराएर सबैले सुख दुख बाँड्ने अवसर जुटेकाे नगर सभापति सुरेन्द्र गीरी बताउछन ।
दशै तिहारको शुभकामना आदान प्रदान कार्यक्रम संगै नेपाली काँग्रेस त्रिवेणी नगरपालिकाले आफ्नो नवनिर्मित पार्टी कार्यालयको पनि औपचारिक रुपमा उद्घाटन गरेको छ । नेपाली काँग्रेस त्रिवेणी नगरपालिका नगर सभापति सुरेन्द्र गीरीको अध्यक्षतामा सम्पन्न भएको शुभकामना आदानप्रदान कार्यक्रममा नेपाली काँग्रेस जिल्ला कार्य समिति सभापति रामसिंह रावल प्रमुख अतिथी रहनु भएको थियो ।
चियापान तथा शुभकामना आदान प्रदान कार्यक्रममा नपाली काँग्रेसका नेता तथा महाधिबेशन प्रतिनिधी मन बहादुर रावल, बिद्यार्थी नेता वीरेन्द्रगीरी, वडा नं. ३ का वडा अध्यक्ष मीन बहादुर भण्डारी लगायत नेता तथा कार्यकर्ताहरुको बाक्लो उपस्थिति रहेको थियो ।
शुभकामना आदान प्रदान कार्यक्रम संगै नगर कार्य समितिको पाटी कार्यालयको पनि एक औपचारिक रुपमा उद्घाटन गरिएको थियो । नेपाली काँग्रेस बाजुराका सभापति रामसिंह रावलले रिवन काटेर पार्टी कार्यालयको विधिवत रुपमा समुद्घाटन गरेका थिए ।
यसरी दशै तिहारको शुभकामना आदानप्रदान संग नगर कार्य समितिको नवर्निमित पार्टी भावनको एकै दिन हुने कुराको साइत जुरेकोमा खुसी ब्यक्त गर्दै काँग्रेस जिल्ला कार्य समिति सभापति एबम् कार्यक्रमका प्रमुख अतिथी राम सिंह रावलले शुभकामना मन्तब्य दिदै नव निर्वाचित नेपाली काँग्रेस त्रिबेणी नगर कार्य समितिको यस्तो पहिलो कदम को कामको उच्च सम्मान तथा कदर गर्दै स्वागत योग्य भएको बताएका छन ।
प्रतिक्रिया
सम्बन्धित खवर
