422 पटक पढिएको
बाजुरा– राष्ट्रिय हातिपाईले रोग निवारण सम्बन्धी टास दुईको सर्भे सम्बन्धी अभिमुखीकरण गोष्ठि कार्यक्रम सम्पन्न भएको छ । नेपाल सरकार स्वास्थ्य तथा जनसख्या मन्त्रालय कोटजन्य रोग तथा अनुसन्धन तालिम केन्द्र हेटौडाको आयोजना तथा जिल्ला स्वास्थ्य कार्यालय बाजुराको समन्वयमा जिल्ला सदरमुकाम मार्तडीमा रहेको रोयल होटलमा कार्यक्रम संचालन गरि सम्पन गरेको हो ।
बुधवार एक औपचारिक कार्यक्रमका विच संचालन गरिएको कार्यक्रममा सन २०३० सम्म हातीपाइले रोगलाइ अन्मुलन गर्ने उदेस्यका साथ बाजुरामा उक्त कार्यक्रमको आयोजना गरिएको जनाएको छ । यस अघि सन २०१७ मा हातिपाईलेको औषधी खुवाउने अभियान सम्पन्न भइसकेको र पछिल्लो पुस्ताका बालबालिकाहरुमा हातिपाईलेको संक्रमण छकी छैन भनेर सर्भे गरिने भएको छ ।
बाजुरा जिल्लाका ९ ओटा पालिका मध्य ८ ओटा पालिकाका एक एक ओटा आधारभुत तहका विद्यालयहरुमा १ र २ मा अध्यानरत बिध्यार्थीहरुमा सो रोगको परिक्षण गरिने अभिमुखिकरण गोष्ठि कार्यक्रममा जनाएको छ । बाजुरामा मसिंर पहिलो हप्ताबाट सर्भेको काम अगाडी बढाउने कोटजन्य रोग तथा अनुसन्धन तालिम केन्द्र हेटौडाले बताएको हो ।
बडिमालिका नगरपालिकाका नगर प्रमुख पदम बडुवालको अध्यक्षतामा संचालन भएको कार्यक्रमको संचालन स्वास्थ्य कार्यालय बाजुराका निमित्त कार्यालय प्रमुख महेश चन्दले गरेका गरेका थिए । भने कार्यक्रममा सहायक प्रमुख जिल्ला अधिकारी समिर भण्डारी, बडिमालिका नगरपालिकाका प्रमुख प्रशासकिय अधिकृत रंगमल बिक लगाएतको सहभागिता रहेको थियो । त्यस्तै कार्यक्रममा सरोकारवाला निकायका प्रमुख तथा प्रतिनिधी र जिल्ला स्थित बिभिन्न संचार माध्याममा कार्यरत पत्रकारहरुको समेत सहभागीता रहेको थियो ।
