83 पटक पढिएको
बझाङ–कात्तिक १ गते बझाङको थलारा गाउँपालिका–४ डिक्लामा आएको पहिरोमा परेर बेपत्तामध्ये हालसम्म ४ जनाको शव फेला परेको छ । उनीहरुको शव नेपाली सेना, सशस्त्र प्रहरी र नेपाल प्रहरीको टोलीले फेला पारेको थियो ।
तर १९ जना अझै बेपत्ता रहेको अवस्थामा खोजी कार्यमा लागेको टोली बुधबार फर्किएको छ । जानकारी नदिएर खोजीकार्य बन्द गरिएको पीडित परिवारले गुनासो गरेका छन्। बेपत्ताको शव भेटे अन्तिम संस्कार गर्नसक्ने अवस्था रहेकोमा उद्धार टोली नै फर्किएको परिवारका १८ जना सदस्य गुमाएका कलक सार्कीले बताए ।
प्रमुख जिल्ला अधिकारी मोहन अधिकारीका अनुसार पर्याप्त जनशक्ति, उपकरण र प्रविधिको अभावमा खोजी कार्य सफल हुन नसकेको बताइएको छ । प्रविधि अभाव र धेरै दिन बितेकाले खोजी कार्य स्थगित गरिएको जिल्ला प्रहरी कार्यालय बझाङका प्रहरी नायव उपरीक्षक रूपक खडकाले जानकारी दिए । यस्तै बेपत्ता भएकाहरू भेटिने सम्भावना नरहेको र अब प्रक्रिया पु¥याएर सबैलाई मृत घोषणा गर्ने तयारी गरेको उनले बताएका छन ।
दिनेश खबरबाट साभार
प्रतिक्रिया
सम्बन्धित खवर
