245 पटक पढिएको
राम बहादुर दानी/बाजुरा- बडीमालिका नगरपालिका वडा नँ. ८ बाजुराको आयोजनामा कार्तिक १७ गते देउडा खेलाडीहरु विच बृहत् देउडा खेल हुने भएको छ ।
नेपालकै कान्छो जनप्रतिनिधी प्रकास रावलको पहलमा देउडा हुने भएको हो । ए सेभन फुटबलको आयोजना सँगै साँस्कृतिक तथा देउडा कार्यक्रम राखिएको वडीमालिका नगरपालिका वडा नँ. ८ का वडा अध्यक्ष प्रकाश रावलले बताए ।
कार्तिक १७ गते बिहान ठिक १० बजे देखि मार्तडीको उपरकोट स्थित अनन्ते खेलिने ठाँउमा दिपावलीको अवसरमा कालिकोटका बहुचर्चित लाइभ देउडा खेलाडी नेत्रराज शाही र देउडा खेलाडी पानसरा थापा लगायत स्थानिय देउडीया खेलाडीहरु बिच घम्साघम्सी देउडा खेल हुने आयोजकले जनाएको छ । देउडा खेल सँगै विविध साँस्कृतिक कार्यक्रमको समेत आयोजना हुने भएको छ । यसरी हुने देउडा खेललाई भब्य र सभ्य रुपमा सफल पार्न सबै देउडा खेल प्रेमीहरु लगायत सम्पुर्ण सबैलाई निमन्त्रणका लागि अनुरोध गरेको छ ।
प्रतिक्रिया
सम्बन्धित खवर
