325 पटक पढिएको
मिन बहादुर खड्का/१७, कार्तिक– जिल्लाको बडीमालिका नगरपालिका वडा न ८ को आयोजनामा संचालन भएको वडा स्तरीय ए साइड फुटबल प्रतियोगिता तथा लाइभ डेउडा कार्यक्रम सम्पन्न भएको छ ।
कार्यक्रम वडा अध्यक्ष प्रकाश थापाको अध्यक्षतामा सम्पन्न भएको हो । वडामा संचालन भएको फुटबल प्रतियोगिताको उपाधी वडा न ९ ले हात पारेको छ भने प्रतियोगीतामा दोस्रो वडा न ८ भएको छ । कार्यक्रममा उत्कृष्ट खेलाडीहरुलाई प्रमाणपत्र र मेडल बितरण गरिएको थियो । प्रतियोगिता गत कार्तिक १२ गतेबाट सुरु भएको थियो । प्रतियोगितामा १७ वटा टिम सहभागी भएका थिए ।
यो संगै प्रतियोगिताको समापन कार्यक्रमको अवसर पारी लाइभ देउडा कार्यक्रमको आयोजना समेत गरिएको थियो । लाइभ देउडा कार्यक्रम कालिकोटका देउडा खेलाडी नेत्र शाही र अछामकी पान्सरा थापा बिच घम्साघम्सी देउडा लगाइएको थियो ।
कार्यक्रममा सुदुरको देउडा सस्किर्तिलाई जगेर्ना गर्नका लागि ठुलो योगदान पुर्याएको भन्दै गितकार एवम शव्द रचनाकार साहित्यकार राजेन्द्र शाह बिपि र समधुर स्वरका धनी प्रकाश थापालाई अभिनन्दन पत्र बितरण गरिएको थियो । कार्यक्रम सहभागी कलाकारहरुलाई मायाको चिनो समेत बितरण गरिएको हो ।
समापन कार्यक्रममा बोल्दै प्रमुख अथिती बडुवालले फुटबल प्रतियोगिता र लाइभ देउडा कार्यक्रमको आयोजना गर्ने आयोजक कमिटीलाई धन्यवाद दिदै वडा न ८ ले आयोजना गरेको कार्यक्रमले खेल क्षेत्रको बिकासमा टेवा पुग्ने र समापन कार्यक्रमको अवसर पारी आयोजना गरिएको लाइभ देउडा कार्यक्रमले लोभ हुने सम्भावना देखिन थालेको देउडा संस्कृतिको जगेर्नमा सहयोग पुग्ने बिश्वास समेत व्यक्त गर्नुभएको थियो ।
अध्यक्ष थापाको अध्यक्षतामा संचालन भएको कार्यक्रममा प्रमुख अथिती बडिमालिका नगरपालिका नगर प्रमुख पदम बडुवाल रहनुभएको थियो । बिशिष्ट अथिती महाधिवेशन प्रतिनिधि कर्ण बहादुर थापा, देउडा खेलाडी नेत्र शाही, पान्सरा थापा विभिन्न पार्टीका प्रमुख एवम प्रतिनिधि ,विभिन्न संघ सस्थाका प्रमुख एवम प्रतिनिधि जिल्ला स्थित सञ्चारकर्मी खेल,प्रेमी र देउडा प्रेमीको बाक्लो उपस्थिती रहेको थियो ।
