342 पटक पढिएको
बाजुरा–जिल्लाको बडिमालका नगरपालिका सदरमुकाम मार्तडीमा रहेका खाद्य व्यवस्थापन तथा व्यापार कम्पनी लिमिटेडका डिपोमा चामल अभाव भएको छ । जिल्ला भरको खाद्यान्न सङ्कट समाधानका लागि स्थापना भएको सो डिपोमा चामलको अभाव भएपछि चामल लिन पुगेका सेवा ग्राहीहरुले रित्तो हात फर्किनु पर्ने अवस्था सिर्जना भएको छ ।
डिपोमा चामल सकिएपछी घण्टौ सम्मको पैदल यात्रा गरेर चामल लिन पुगेका सेवा ग्रहारीहरुले चामल नपाई रित्तो हात घर फर्किनु पर्दा सेवा ग्रहारीहरुले ठुलो सास्ती भोग्नुपरेको छ । जिल्लामा पटक–पटक खाद्य अभाव हदै आइरहेको छ । पटक–पटक खाद्य अभाव हुदै आइरहेको भएतापनि उक्त समस्या समाधानका लागि जिल्ला स्थित सरोकारवाला क्षत्र मौन बस्दै आइरहेको पाइएको छ । समयसमयमा खाद्य अभाव झेल्दै आइरहनुपरेकोले सेवा ग्रहीहरु मर्कामा परेका छन् ।
खाद्य लिमिटेड बाजुराका प्रमुख मेघराज ओझाल दिएको जानकारी अनुसार खाद्य डिपोमा चामल यही कात्तिक १७ गतेसम्म वितरण भएको र यसपछि वितरण गर्न नसकेको जानकारी प्राप्त भएको छ । डिपोमा चामल सकिएको जनाउँदै आकस्मिकबाहेक बिक्रीमा रोक लगाएको डिपो प्रमुख ओझाले बताएका छन ।
