107 पटक पढिएको
बाजुरा – नेपाली काँग्रेस जिल्ला कार्य समिति बाजुराको दोस्रो बैैठक बिहीबार सकिएको छ । नेपाली काँग्रेस जिल्ला कार्य समिति बाजुराका सभापति राम सिँह रावलकाे अध्यक्षतामा बसेकाे बैठककाे अाैपचारिक सञ्चालन सचिव तिलक पुरीले गरेका थिए ।
बुधबारबाट बसेको जिल्ला कार्य समितिकाे बैठकले १३ वटा निर्णय पारित गर्दै बैठक सकिएको पार्टी कार्यालय सचिव टेक बहादुर राेकायाले जानकारी दिए ।
बिहीबार बसेकाे बैठकले बाढी र पहिराेबाट प्रभावित भएकाहरु ठाँउहरुकाे एकिन विवरण संकलन गरी प्रतिवेदन जिल्लामा बुझाउन गाउँ समितिलाई निर्देशन दिएको छ ।
बिहिवार नै बसेकाे पार्टीकाु बैठकले वार्षिक कार्य योजना पनि बनाएको छ । वार्षिक कार्य योजनामा जिल्ला स्तरमा पार्टीले गर्ने गतिविधी, पार्टीकाे विधान लगायतका विषयमा प्रशिक्षण तथा प्रचार प्रसार र कार्यकर्ता समन्वय गरी वार्षिक कार्य योजनामा समावेश गरिएको निर्णयमा भनिएकाे छ ।
बिहिबारकाे बैठकबाट गरिएकाे निर्णय अनुसार पार्टीले टोल,गाउँ,पालिका,प्रदेश र जिल्ला स्तरमा विधान अनुसारकाे कार्यलाई तिव्रता दिने समेत कार्य योजनामा समावेश गरिएको पाईएकाे छ ।
वार्षिक कार्य योजनामा पार्टीका संस्थापक नेता जननायक वि.पी. कोइराला,गणेशमान सिंह,सुर्वण शमशेर,कृष्णप्रसाद भट्टराई,गिरिजा प्रसाद कोइराला र शुसिल कोइराला लगायत नेताको स्मृति दिवस मनाउने पनि निर्णयमा लिखित भएकाे छ ।
बैठकले पार्टीका पुर्व सभापति तथा संविधान सभाका सदस्य देवराज जोशीलाई सुदूरपश्चिम प्रदेशको प्रदेश प्रमुख र काँग्रेस बाजुराका नेता तथा नेपाल बार एसोसियसनका पुर्व केन्द्रीय महासचिव खम्मबहादुर खातीलाई सरकारको महान्याधिवक्तामा नियुक्त गरेकोमा प्रधानमन्त्री तथा पार्टी सभापति शेरबहादुर देउवालाई धन्यवाद दिदै प्रदेश प्रमुखमा नव नियुक्त नेता जोशी र महान्यायधिवक्ता खातीलाई बधाई ज्ञापन गर्ने निर्णय गरेको छ ।
यसरी पार्टीकाे दाेस्राे बैठकबाट पार्टीले गर्ने काम कर्तव्यको सम्पादन गर्ने गरि ३२ सदस्यीय कार्य सम्पादन समिति पनि बनाएको छ । 
प्रतिक्रिया
सम्बन्धित खवर
