312 पटक पढिएको
बाजुरा – जिल्लाको पुर्वी उत्तरी भेगमा रहेको बुढीनन्दा नगरपालिकामा भीरबाट लडेर एक महिलाको मृत्यु भएको छ ।
मृत्यु हुनेमा सोही नगरपालिका–२ कोल्टीकी रामलाल रेग्मीको श्रीमती ४१ वर्षीया जनदेवी खत्री रहकी जिल्ला प्रहरी कार्यालय बाजुराले जनाएको छ ।
जिल्ला प्रहरी कार्यालय बाजुराका अनुसार आइतबार विहान ८ः०० बजे खेतबाट घर फर्किने क्रममा दानसाँगु भीरबाट लडेर घटनास्थलमै मृत्यु भएको बताइएको छ । मृतक खत्रीको दानसाँगुको भीरबाट करिव एक सय १० मिटर तल खसेर घटनास्थलमा मृत्यु भएको हो ।
मृतकको पोष्टमार्टमका लागि प्राथमिक स्वास्थ्य केन्द्रमा शव राखिएको र शवको पोष्टमार्टम पछि आफन्तलाई बुझाउने प्रहरी भनाई रहेको छ ।
मृतक खत्रीको आजै हिन्दु परम्परा अनुसार दाहसंस्कार गरिने पारिवारिक स्रोतले बताएको छ ।
