298 पटक पढिएको
बाजुरा–जिल्लाको सदरमुकाम मार्तडीमा यात्रुवाहक बस पुगेका छन् । साँफे–मार्तडी सडक खण्ड अवरुद्ध भएको करिव ६ महिनापछि सदरमुकाम मार्तडीमा आईतबार बिहान मात्रै यात्रुबाहक बस पुगेको जिल्ला प्रहरी कार्यालय बाजुराका निमित्त सुचना अधिकारी धनदेव साँउदले जानकारी दिए ।
उनका अनुसार साँफे–मार्तडी सडक खण्ड अन्तरगत बार्जुगाड, ताँप्रीसेरा, बल्दे, दवारी, तिपाडा, ओलेना र पानी नाउला लगायत सै ठाँउमा सडक मर्मतपछि यात्रुबाहक बस आइतबार बिहान सदरमुकाम मार्तडीसम्म यात्रसबाहक बस पुगेका हुन् ।लामो समयपछि सदरमुकाम मार्तडीबाटै बसमा यात्रा गर्न पाउने भएपछि स्थानीयबासी तथा यात्रुहरु हरु खुसी भएका छन् । स्थानियहरुलाई यस अघि जिल्ला बाहिर जानका लागि ठाँउ–ठाँउमा गाडीहरु फेरेर फरक फरक भाडा तिरेर जानु पर्ने बाध्यता थियो ।अब मार्तडीबाट नै बसमा धनगढी, महेन्द्रनगर, काठमाण्डौ र नेपालगन्ज जान पाइने भएको छ ।
बर्षेनी ६ महिनासम्म मात्रै बस सेवा सुचारु हुने भएपछी जिल्लाका स्थानियहरुले सास्ती खेप्दै आएका छन् । साँफे–मार्तडी सडकखण्ड अन्तरगत विभिन्न ठाँउमा सडक बिग्रीने भएकाले करिब वर्षको ६ महिना मात्रै यात्रुबाहक बस नियमित रुपमा संचालनमा आएका हुन ।
