381 पटक पढिएको
बाजुरा– नेपाली गीत संगीतमा लामो समयसम्म अनवरत रुपमा लागेकी शुदुर पश्चिमकी चेली चर्चित देउडा गायिका कृष्ण सिराडीले आइतवार आफ्नो जन्म दिन मनाएकी छन । धनगढी स्थित मानव सेवा आश्रममा उनले जन्मदिन मनाएको हो ।
बिभिन्न कारणले मानसिक सन्तुलन गुमाएका तथा बेसाहारा बनेका नागरिकहरुको सेवा गरिने मानव आश्रम सेवा केन्द्र धनगढीको तारानगरमा उनले आश्रम केन्द्रमा रहेका मानिसहरुलाई फलफुल तथा मिठाइ दिएर आफ्नो जन्मदिन मनाएकी हुन ।
खर्चिलो र तडकभडक रुपमा खर्चिलो तरिकाले महंगो बार तथा रेस्टुरेन्टहरुमा गएर केक काटेर जन्म दिन मनाउनु भन्दा बेसाहारा नागरिकहरुको सेवा गरेर उनिहरुको मन खुसी पार्नु नै ठुलो धर्म भएकोले आफ्ुले यसरी जन्म दिन मनाएको उनि बताउछिन ।
जन्मदिन मनाउन उनि आइतवार आश्रामा रहेका साहारा बिहिनहरुका लागी खाद्यान्न, फलफुल लगायत सामग्री लिएर मानव सेवा आश्रम केन्दमा गएकी हुन् । दर्जनौ देउडा गीतहरुमा आवाज दिदै आएकी कुशल गायिका कृष्णाले बिगत देखी नै यस्तै प्रकारले जन्मदिनको अवसरमा पुण्य कार्य स्वरुप असहाय, बेसाहारा लगायतलाई साहारा दिइरहेका संस्थाहरुलाई सहयोग गर्दै आइरहेकी छिन् ।
आइतवार मानव आश्रमका सञ्चालक सदस्य आदर्श ढकाललाई सो सामग्री हस्तान्तरण गरेकी हुन । सामाग्री हस्तान्तरणमा बोल्दै संचालक सदस्य ढकालले यसरी आफ्नो जन्म दिनको अवसर पार्दै वेसाहारा नागरिकहरुको सेवा गरी पुण्ड्य कामको थालनी गरेको गायिका सिराडीलाई धन्यबाद दिदै आगामी दिनहरुमा संगीत क्षेत्रमा प्रगतिको कामना गरेका छन् ।
