143 पटक पढिएको
काठमाडौं – मुगु सदरमुकाम गमगढी बजारमा आगलागी भएको छ। आगलागीमा १७ वटा घर र ३ वटा घुम्ती पसल जलेर नष्ट भएका छन् । आगो नियन्त्रणमा लिने क्रममा एउटा कच्ची घर भत्काइएको छ ।
जिल्ला प्रहरी कार्यालय मुगुका अनुसार गएराति साढे १२ बजेतिरबाट खिम्मे लामाको घरमा बालेको दियोबाट आगलागी सुरु भएको थियो । सुरक्षाकर्मीहरुले स्थानीयको सहयोगमा बिहान साढे ४ बजे आगो नियन्त्रणमा लिएको बताइएको छ ।गमगढी बजारका घरहरु काठैकाठले बनेका र एकअर्कासँग जोडिएकाले आगो नियन्त्रणमा लिन कठिन भएको र आगो निभाउने क्रममा गोरख मल्लको एउटा कच्ची घर भत्काइएको छ।
आगलागीमा मानवीय क्षति भएको छैन । धनमाल कति क्षति भयो भन्नेबारे पनि एकिन विवरण आइनसकेको डिएसपी भट्टराईले बताए । आगलागीमा मानवीय क्षति भने भएको छैन ।
श्रोत दिनेश खबर
प्रतिक्रिया
सम्बन्धित खवर
