328 पटक पढिएको
बाजुरा –जिल्लामा संचालित विभिन्न संचार माध्यममा कार्यरत संचारकर्मीहरुले नेपाल टेलिकम बाजुराले सेवा प्रवाह गर्दै आएको इन्टरनेट सेवा र फोर जी सेवाले काम नगर्दा बुधबार टेलिकम प्रमुख र जिल्ला प्रशासनलाई ज्ञापनपत्र मार्फत ध्यानकर्षण गराएका छन ।
आज नेपाल टेलिकम र जिल्ला पूशासनको कार्यालयमै जिल्लाका रेडियो र अनलाइन र राष्ट्रिय संचार माध्यमका प्रतिनिधीहरुले शाखामा प्रमुख पदमराज पडाललाई र प्रमुख जिल्ला अधिकारी गोपाल कुमार अधिकारीलाई ज्ञापन पत्र बुझाउदै ध्यानकर्षण गराएका हुन ।
टेलिकमले संचार माध्यम र अन्य सेवाग्राहीलाई एडिएसएल सेवा विस्तार गर्दै सुविधा दिएको भएपनि बिगत एक महिना एता टेलिकमले मोवाईको फोर जी र एडीएसएल सेवा प्रभावकारी नहुदा संचार माध्यमले नियमित समाचार सम्प्रेषण् गर्न समस्या भएका कारण ज्ञापन पत्र मार्फत ध्यानकर्षण गराएको संचारकर्मीहरुले जनाएका छन ।इन्टरनेटको गति ,छिटो छरितो र गुणस्तर नभएकाले जिल्ला स्थित संचार माध्यमहरुले जिल्ला भित्रका भएका घटनाहरु र जनताको जीवीकाको सवाललाई जिल्ला र राष्ट्रिय स्तरमा उठान गरेको भएपनि इन्टरनेट सेवा गुणस्तर नहुँदा समाचार सम्प्रेषण गरि सूचनाहरुलाई राष्ट्रिय स्तरमा पठाउन नपाएको संचारकर्मिहरुको गुनासो रहेको छ ।
पत्रकारिता जिल्लामा २०१५ सालबाट सुरुवात भएको हो । पत्रकारिता क्षेत्रले फड्को मार्दै आएको छ । जिल्लामा एडिएसएल इन्टरनेट सेवा संचालनमा ल्याएको एक दशक भइसकेको छ । सेवा प्रभावकारी नहुदा जिल्लामा संचालित संचार माध्यमका कार्यरत संचारकर्मीले सास्ती खेप्दै आइरहेका छन् । सेवा संचालनमा ल्याएको एक दशक भइसक्दा सम्म पनि सेवा प्रभावकारी हुन नसकेको र पुरानै रफ्तारमा इन्टरनेटको गति देखिएकाले तत्काल सेवा प्रवाह दु्रत गतिमा लैजान ध्यानाकर्षण गराउदछौ ज्ञापन पत्रमा भनिएको छ ।
ज्ञापन पत्रमा टेलिकम बाजुरालाई संचार माध्यमले पटक–पटक खबर गर्दा पनि सेवा पूर्ण रुपमा पुरानै शैलीमा संचालन भएको कुरा समेत उल्लेख गरिएको छ ।संचारकर्मिहरुले तत्काल गुणस्तर वृद्धि गर्न ध्याकर्षण गराउनुका साथै आज टेलिकमलाई जिल्लाका संचार माध्यमले एक वटा राउटर सहित ज्ञापन पत्र बुझाएका हुन ।इन्टरनेट सेवा प्रवाह तिव्र रुपमा र प्रभावकारी नभएमा चरणवद्ध आन्दोलनका कार्यक्रम चेतावनी समेत ज्ञापन पत्र मार्फत दिइउको छ ।
जिल्लामा संचालित रेडियो बाजुरा,रेडियो पौरखी,बडीमालिका खबर,मालिका टुडे,नागरिक रैवार,नजिक न्युज,किनारा न्युज,लोकतन्त्र विहानी,गगनवाणी,खप्तड मालिका न्युज,स्सिंजापती र गुड न्युजका प्रतिनिधीहरुको हस्ताक्षरित ज्ञापन पत्र बुझाइएको छ ।
ज्ञापन पत्र बुझ्दै नेपाल टेलिकम बाजुराका प्रमुख पदमराज पडाल र पूमुख जिल्ला अधिकारी गोपाल कुमार अकिारिले सेवा प्रवाहमा दु्रत गतिमा नभएको स्वीकार गर्दै बढि समस्या संचारकर्मिलाई भएतापनि यो समस्याको बिषय सबैका लागि भएकोले इन्टरनेट सेवा तिव्र रुपमा संचालन गर्नका लागि क्षेत्रीय र केन्द्रीय स्तरमा पहल गर्ने प्रतिवद्धता जनाएका छन् ।
