737 पटक पढिएको
बाजुरा— लामो समय सम्म नेपाली गीत संगीतमा लागेका सर्जक राजेन्द्र रावतको शब्द संगीतमा निकै नै मर्मस्पर्सी देउडा गीतको म्युजिक भिडियो बिहिबार सार्वजनिक भएको छ । दर्जनौ गीतहरुमा शब्द संगीत, स्वर र अभिनय गरि सकेका सर्जक बाजुरा जिल्लाको नेपाली गीत संगीतको एक हस्तीको रुपमा परिचित छन् ।
सर्जक रावतको शब्द संगीतमा निर्माण गरिएको सो गीतको स्वराङ्कन बाजुराकै माटोले जन्माएका कुशल गायक राजेन्द्र बाजुरेली र बाजुराकी उदाउदी गायिका रोशनी रोकायाको आवाजमा रहेको छ ।माया प्रेम र समय सान्दर्भिक शब्दहरु सृजना भएको रानीबन नामक देउडा गीतमा अभिनय कृष्ण थापा र सरु रानीले गरेका छन् । सर्जक रावतले सृजना गरेका कृतिहरु प्राय समय सान्दर्भिक नै रहेकाले आफुलाई रावतले पछिल्लो समयमा धेरै दर्शकहरुले औधी माया गरेको उनी बताउछन् ।
बिगत लामो समय देखि नै गीत संगीतमा योगदान गर्दै आएका रावतले बरपिपल डालीको नामक देउदा गीतको शव्द संगीत गरेर सांगितिक यात्रा सुरु गरेको थिए । रावत पहिलो गीतमै दर्सकहको मन मुटुमा बस्न सफल भएका हुन । सर्जक रावतले हाल सम्म बरपिपल डालिको, पिरतिको खेती, सिलङ्गो, बाघ मार्याका वन, घट्टको भँगारो लगायत करिव दुई दर्जन भन्दा बढी देउदा लागायत लोकदोहोरी, आधुनिक र आधुनिक युगका युवाहरुलाई मन पर्ने डिजे गीतहरुको शव्द संगीत तथा स्वराङ्कन गरि सकेका छन ।
सर्जक राजेन्द्र शब्द संगीतकार मात्र नभई कयौ गीतहरुमा अभिनय, स्वर र निर्देशन समेत गरि सकेका छन । गीतको अडियो मालश्री रेकर्डिङ्ग स्टुडियोले गरेको छ भने भिडियोको काम भने श्रीराम फिल्मसले गरेको छ । पछिल्लो समयका चर्चित छायाङ्ककार अभित बिकले छायाङ्कन गरेको गीतमा निर्देशन भने स्वयम् रावतले नै गरेका छन् । संगीत म्युजिक प्रा.लि.को युटुव च्याँनेलबाट सार्वजनिक भएको छ ।
गीतकाे भिडियाे हेर्न तलकाे लिँकमा क्लिक गर्नु हाेला ।
