363 पटक पढिएको
बाजुरा– बुढीगंगा नगरपालिका पुल नजिकै कालापानी जाने पुल नजिकै नदीको किनारामा घाइते अवस्थामा चितुवा भेटिएको छ । दिउसो १२ बजे तिर घाइते अवस्थामा चितुवा भेटिए पछि स्थानिय हरुले बार्जुगाड पहरीलाई जानकारी दिएको थियो । सूचना पाए पछि प्रहरी नायव निरिक्षक राम बहादुर थापाको कमाण्डमा प्रहरी धाइते चितुवा भएको ठाँउ सम्म पुगि सकेको छ ।
यो बिषयमा के भएको हो भनेर बार्जुगाड इलाका प्रहरी कार्यालयका प्रहरी नायव निरिक्षक राम बहादुर थापालाई सोध्दा स्थानियहरुले प्रहरीलाई घाइते अवस्थामा चितुवा देखे पछी आफुहरुलाई सूचना दिएको र आफुहरु घटना स्थलमा पुगि सकेको बताएका छन । बिहाना केही स्थानियहरु चितुवा नजिक गएर फोटोहरु खिचेता पनि आफुहरुले चितुवा घाइते भएर बसेको हुन सक्ने अवस्थामा भएकोले स्थानियहरुलाई नजिक जाँन रोक लगाएको बताएका छन ।
बुढीगंगा नगरपालिका वडा नं. ६ को फालाशैन नजिकैको मौरे पुलको मुनी उक्त चितुवा घाइते अवस्थामा भेटिएको हो । चितुवाको अगाडीको भाग चलि रहेको र पछाडीको भाग नचलेकोले बिष सेवन गरेको वा कुनै कतै केही कारणबाट घाइते भएको अनुमान गरिएको पनि अस्थायी प्रहरी विटका प्रहरी नायव निरिक्षक थापाले जनाएका छन ।
नघाइते चितुवा नदीको किनारा ढुङ्गाको आडमा बसि रहेको र हिड्न खोज्दा पछाडीको शरिर चल्न नसकेको उनले बतताएका छन । यसरी एका एक दिउसै घाइते अवस्थामा चितुवा भेटाए पछि आफुहरुले जिल्ला प्रहरी कार्यालय बाजुरा मार्फत जिल्ला बन कार्यालय बाजुरामा जानकारी दिइ सकेको पनि बताएका छन् ।
जिल्ला बन कार्यालय बाजुराबाट खटिएको टोली पनि मौरे बाम्का बजार पुगी सकेको छ । जिल्ला बन कार्यालयका सुचना अधिकारी राजन कुँवर सहितको टोली घटना स्थलमा पुगि सकेको जानकारी प्राप्त भएको छ । जिल्ला बन कार्यालय बाजुराका सुचना अधिकारी कुँवरका अनुसार आफुहरु घटना स्थल नजिकै पुगी सकेको र घाइते अवस्थामा भेटिएको चितुवाालाई आफुहरुले नियन्त्रणमा लिन साधन नभएकोले खप्तड राष्ट्रिय निकुञ्जलाई नियन्त्रणका लागि खवर गरि सकेको बताएका छन् ।
निकुञ्जका नियन्त्रक टाेलीहरु आएर उक्त चितुवा चितुवा नियन्त्रणमा लिएर जिल्ला पशु सेवा कार्यालयमा उपचार गर्ने पनि सुचना अधिकारी कुवरको भनाइ रहेको छ । के कति कारणले चितुवा घाइते भएर नदीको किनारामा आएको हो त्यसको तथ्य रिपोर्ट पनि नियन्त्रण पश्चात चेकजाँचबाट पत्ता लाग्ने भएको जिल्ला बन कार्यालय बाजुराका सूचना अधिकारी राजन कुँवरले लोकतन्त्र विहानी न्युजलाई जानकारी दिएका छन् ।
चितुवाकाो उपचार पश्चात कुँन ठाँउमा लिएर छोड्ने त्यसकाे विषयमा पनि अहिले केहि भन्न नसकिने पनि अस्थायी प्रहरी विट बार्जुगाडका प्रहरी नायव निरिक्षक राम बहादुर थापाले जनाएका छन । यसरी घाइते अवस्थामा चितुवा भेटिएको प्रत्यक्षदर्शी सोही ठाँउका स्थानिय मन बहादुर बोहराले जानकारी दिएका हुन ।
