403 पटक पढिएको
बाजुरा– जिल्लाको बुढीगंगा नगरपालिका वडा नं. ५ बाम्का बजार नजिकै नदिको किनारामा असक्त अवस्थामा भेटिएको चितुवाको शनिबार पोेष्टमाटम भएको छ । शुक्रबार बुढीगंगा नदीको किनारामा असक्त रुपमा ढुङ्गाको आडमा छट्पटाइ रहेको अवस्थामा चितुवा भेटिएको थियो ।
उक्त चितुवाले केहि समय पछि हलचल गर्न छोडेपछि त्यस क्षेत्रका स्थानिय, प्रहरी र जिल्ला बन कार्यालय बाजुराबाट खटिएको टोली घटना स्थल पुगेको थियो । एक छिन चितुवा मरिसेको थाहा भए पछि शुक्रबार नै उक्त चितुवा जिल्ला बन कार्यालय बाजुरामा झिकाइएको थियो ।
चितुवाको बाहिरी भागमा कुँनै पनि चोट नभेटिए पछि प्रारम्भिक अनुमानमा चितुवालाई तस्करी गर्न बिश शेवनको प्रयेग गरिएको हुन सक्ने अनुमान गरिएको थियो । तर शनिवार पोष्टमाटम गर्दा बाघको पेटमा कुँनै पनि खाँने कुरा खाएको नभेटिएको तर पेटमा जुकाहरु भने थुप्रै भेटिएकोले चितुवा रोगले मरेको हुन सक्ने अनुमान गरिएको जिल्ला पशुसेवा कार्यालका कार्यालय प्रमुख पशुपति नाथले बताएका छन । चितुवाको उमेर १२ देखी १५ बर्षा सम्मको भएको अनुमान गरिएको छ ।
