351 पटक पढिएको
बाजुरा–जिल्ला सदरमुकाम मार्तडी नजिकै रहेको बाउली बजारमा एक अन्दाजी २७ बर्षको भारतिए नागरिक अलपत्र फेला परेका छन । अलपत्र अवस्थामा फेला पर्नेमा भारतको बिहार राज्यको सिवान जिल्ला रघुनाथपुर थाना वतन रहेको छन । निज अलपत्र अवस्थामा फेला परेका निज भारतिय नागरिक कोरोनाको संक्रमणले बिश्व नै आक्रान्त बनेको बेला कोरोनाको संक्रमणबाट वच्न घरबाट भागेर नेपाल आएको बुझिएको छ । उनको उद्धारका लागि पत्रकार राम बहादुर दानीको पहलमा सुरक्षा निकायको सहयोग लिएर भारत स्वयमको घरमा पुर्याउने पहल भैरहेको छ ।
उनका बुवाको नाम सुदर्षन महतो र आमाको नाम ज्ञानिया देवि रहेको पाईएको छ । निज नागरिकले आफ्नो नाम आफस हनुमान जि रहेको बताएका छन ।निज अलपत्र अवस्थामा फेला परेका नागरिकको मानसिक संतुलन भने ठिकै रहेको पाइएको छ । तर उनि आफ्नो ठाँउ पहिचान गर्न नसकेका कारण अलपत्र परेको हुनसकने अनुमान गरिएको छ । शुक्रवार सामाजिक सञ्जालमा एक शिक्षक धर्म रावलले उक्त अलपत्र अवसथामा फेला परेका भारतिय नागरिकको भिडियो अपलोड गरे पछि उनको उद्धारका लागि लोकतन्त्र विहानी न्युजका प्रधान सम्पादक एवम् रेडियो पौरखीका स्टेसन मेनेजर राम बहादुर दानीले जिल्ला प्रहरी कार्यालय सँग समन्वय गरि शनिबार ती नागरिकलाई जिल्ला प्रहरी कार्यालय बाजुरामा राखिएको छ ।
पत्रकार राम बहादुर दानी र लोकतन्त्र बिहानी मिडिया हाउसको पहलमा जिल्ला स्थित सरोकारवाला निकायसंगको समोनवय र बडिमालिका नगरपालिकाको आर्थिक सहयोगमा कार्तिक १७ गते जिल्ला सदरमुकाम मार्तडीको चोक चोकमा वेवारिसे मानसिक सन्तुलन गुमाएका एक भारतिय नागरिक र एक जिल्ला भित्रकै महिलालाई मानव आश्रम सेवा केन्द्रमा पठाइएको थियो ।मानव सेवा आश्रम केन्द्रमा पठाएका दुबै जनाको अबस्था सुधार हुँदै आएको छ । शनिवार भेटिएका हनुमान जी भनेर आफ्नो नाम बताउने भारतिय नागरिकलाई पनि भारतिय राजदुतावास सँग समन्वय गरि निजको घरमै पुर्याउने पहल भैरहेको छ । जिल्ला प्रशासन कार्यालय बाजुरा मार्फत सिफारिस गराएर शनिवार दिउसो ३ बजे नै धनगढीमा रहेको मानव आश्रम सेवा केन्द्रमा पठाईने भएको छ ।
