260 पटक पढिएको
राजेन्द्र बहादुर रोकाया– नेपाल पत्रकार महासंघ बाजुराले कोरोना भाईरस कोभिड १९ बाट सुरक्षित रहने अपिल गरेको छ । कोरोना भाईरस कोभिड १९ को दोस्रो लहर चलिरहँदा बाजुरामा समेत कोरोना भाईरसका संक्रमितको संख्या १०८ पुगिसकेको छ ।
१०८ संक्रमितमा जिल्लाका ४ क्रियासिल पत्रकार समेत संक्रमित भएका छन् । बुधबार देखी जिल्लामा निषेधाज्ञा जारी गरिएकोे छ । जिल्लामा फन्टलाईनमा काम गर्ने सम्पुर्ण संचारकर्मिले सुरक्षित भएर काम गर्न नेपाल पत्रकार महासंघ बाजुरा शाखाका अध्यक्ष छक्क बहादुर मल्लद्धारा हस्ताक्षरित पत्रमा उल्लेख गरिएको छ ।
अपिल
आदरणिय पत्रकार तथा सञ्चारकर्मी साथीहरु, दोस्रो चरणमा नयाँ भेरियन्टको रुपमा फैलिदै गएको कोरोना भाइरस (कोभिड–१९) महामारीले बाजुरा जिल्लामा पनि भयाबह अवस्था सिर्जना भएको छ । कोरोना भाइरस (कोभिड–१९) एन्टिजन बिधिबाट परीक्षण गर्दा पोजेटिभ हुँने र मृत्यु हुनेको संख्या दिनहुँ दिन बढिरहेकोले यस महामारीलाई नियन्त्रण गर्नका लागि भनेर नै जिल्ला प्रशासन कार्यालय बाजुराले पुरै जिल्लालाई नै बैसाख २२ गतेबाट लागु हुने गरी निषेधाज्ञा जारी गरिसकेको कुरा अवगत गराउदै यस्तो जटिल र कठिन परिस्थतिमा आफु सुरक्षित हुदै हामी पत्रकारहरुले आफ्नो पेशागत भुमिका निर्बाह गरिरहेका छौ ।
अहिलेसम्म हाम्रो जिल्लामा कोरोना भाइरस (कोभिड–१९) को संक्रमणबाट ४ जना क्रियाशिल पत्रकार एवम् सञ्चारकर्मीहरु संक्रमित भएको हुनाले निजहरुको सिघ्र स्वास्थ्य लाभको कामना गर्दै नेपाल पत्रकार महासंघ बाजुरा शाखा सबैलाई यस महामारीबाट बच्न स्वास्थ्य सम्बन्धी नियमहरु पालना गरी आफु र समाजलाई सुरक्षित गराउन सहयोग पु¥याउँन भन्दै हार्दिक अपिल गर्दछ ।
