123 पटक पढिएको
बाजुरा–बाजुरामा कोरोना संक्रमितको संख्या १ सय ४६ पुगेको छ । जिल्ला स्वास्थ्य कार्यालय बाजुराका अनुसार विश्वभरी महामारीका रूपमा फैलिरहेको कोरोना अर्थात कोभिड १९ संक्रमण हुनेको संख्या बिहिबार दिउसो ३ः३० बजेसम्म १ सय ४६ पुगेको बताइएको छ ।
बुधबार दिउसो ३ः३०बजेदेखि बिहिबार दिउसो ३ः३० बजेसम्म एन्टिजोन विधिबाट १३२ जनामा गरिएको परिक्षणमा ३८ जनाको एन्टिजोन पोजेटिभ देखिएको जिल्ला स्वास्थ्य कार्यालयका निमित्त कार्यालय प्रमुख महेश चन्दले बताए । यो संगै बाजुरामा सक्रिय संक्रमितको संख्या १ सय ४६ पुगेको हो ।
बिहिबार संक्रमित हुनेमध्ये २० जना बडिमालिका नगरपालिकाका, बुढीनन्दामा ९ जना, बढीगंगामा २ जना, खप्तड छेडेदह गाउँपालिकामा २ जना, ३ जना गौमुल, एक जना स्वामिकार्तिक र एक जना जगनाथ गाउँपालिकाका रहेको बताइएको छ ।
कुल संक्रमित मध्ये अहिले ११४ जना होम आइशोलेशनमा र २९ जना जिल्ला अस्पतालको आइशोलेशन तथा स्थानीय तहले निर्माण गरेका आइशोलेसनमा रहेका छन् ।
बुधबार बाजुरामा रहेका १ सय ४६ संक्रमित मध्ये बुधबार २ जना संक्रमणमुक्त भएका छन् । भने बुधबार गौमुल गाउँपालिकाका–३ का एक महिलाको कारोनाका कारण ज्यान गएको जिल्ला अस्पताल बाजुराले जनाएको छ ।
