बाजुरा–जिल्लामा पछिल्लो समयमा सवारी दुर्घटनाका घटनाहरु बढ्न थालेका छन । मंसिर महिना सुरु भएपछी दुई साता भित्र मात्रै साफे मार्तडी सडक खण्डको बडिमालिका नगरपालिकामा मात्र एउटा जिप र एउटा अटोरिेक्सा दुर्घटनामा परेका छन् । सवारी दुर्घटनामा परि तीन जनाको मृत्यु समेत भैसकेको छ । सवारी दुर्घटना बढ्न थालेपछि यात्रीहरुमा त्रास छाएको छ । दिन प्रतिदिन सवारी दुर्घटनाका घटनाहरू बढ्न थालेपछि यात्रुहरूले त्रासमा यात्रा गर्नुपर्ने बाध्यता सिर्जना भएको छ । एसो हेर्दा सजिलै काहीं कतैबाट दुर्घटना नहुने देखिन स्थानबाटै सवारी दुर्घटना हुन थालेका छन्। हुन त दुर्घटना हुनुका धेरै कारणहरु छन् । क्षमता भन्दा बढी यात्रुहरु बोक्न, मधिरासेवन गरेर सवारी साधन चलाउनु, कच्चि सडकको अवस्था् चालक र यात्रुहरु बिचको विवाद आदि दुर्घटना हुनुका कारणहरु हुन । तर पटकपटक सजिलै ठाउँमा पनि सवारी दुर्घटना हुनुको प्रमुख कारण भने एकिन भन्न सकिन्न ।

खास यही कारणले दुर्घटना बढेको हो भन्ने कुरा भने खुल्न सकेको छैन । सवारी चालकहरुले पैसा कमाउने भरमा क्षेमता भन्दा बढी मान्छे बोक्ने र चालकहरुले मधिरा सेवन गरि सवारी साधनहरु चलाउने गरेका कारण दुर्घटना बढ्न थालेको यात्रुहरूले गुनासो गर्ने गरेका छन् । लापरबाही गरेर चालकहरुले सवारी साधन चलाउदा पनि यसमा प्रहरी प्रशासन मौन बसेको भन्ने खालका आरोप प्रतिआरोपहरु लगाउने गरेको पाईन्छ । प्रहरीले सवारी चालकहरूलाई विशेष निगरानीमा राखेर मात्र लाइसेन्स प्राप्त चालकलाई मात्र सवारी साधन चलाउन दिने र अन्यलाई सवारी साधन चलाउन रोक लगायमा मात्र सवारी दुर्घटना कम गर्न सकिन्छ भन्ने धारणा यात्रुहरू राख्दै आइरहेका छन् ।

यो बिषयमा जिल्ला प्रहरी कार्यालय बाजुराका प्रहरी निरिक्षक धनदेव साँउदालाई सोध्दा यात्रीहरुले गरेका गुनासा स्वभाविक भएको र ती गुनासाहरुलाई प्रहरी निरिक्षकको हैसियतले सहजै स्वीकार गरेको बताउनुभयो । प्रहरी निरिक्षक धनदेव साँउदले पछिल्लो समयमा सवारी चालकहरुलाई थप कडाई गरिएको बताउनु भयो । उहाँले भने दुर्घटना हुनुका धेरै कारणहरु छन । एहाँको सडकको अवस्था देखि लिएर सवै कुरा हेर्दा अरु ठाउँको तुलनामा धेरै दुर्घटना हुने सम्भावना बढी देखिन्छ । अर्को कुरा चालकहरुको लापरबाहीका कारण पनि दुर्घटना भएको देखिन्छ । एहा गाडीको क्षमता भन्दा बढी सवारी बोक्ने गरेको पनि पाइएको छ । प्रहरीको आँखा छली सवारी बोक्ने गरेका छन् ।

ट्राफिकको आँखा छलेर यात्रुहरु बोक्ने गरेका कारण सवै ठाँउमा प्रहरी परिचालन गर्न असहज भइरहेको पनि उहाँको भनाई छ । उहाँले भन्नुभयो कतिपय चालकहरु त मधिरा सेवन गरेर पनि चालाउने गरेका रहेछन । भक्खर दुई चार दिन अगाडि मात्र हामिले मधिरा सेवन गरेर सवारी चलाउने चालकहरूलाई नियन्त्रणमा लिई कारवाही समेत गरेका छौँ । अर्को कुरा चालकहरुले पनि कुन सवारी साधानमा कति जना बस्नुपर्ने हुन्छ र कुन सवारीमा यात्रा गर्दा राम्रो हुन्छ भन्ने कुरा छुट्याउन नसकेका कारण छिटो पुग्ने आषमा पनि गाडीमा च्याप्पिएर बस्ने गरेको हामिले भेटाएका छाैँ। अर्को कुरा गाडी कुन स्पिडमा गइरहेको छ त्यो कुरालाई पनि यात्रुहरूले ध्यानमा राख्नुपर्ने हुन्छ । प्राय जसो यात्रुहरूले हतार भएको बेला चालकलाई पनि छिटो चलाउनुस ढिलो छ भन्ने गरेको पनि पाईन्छ । निरिक्षक साँउदले चालकहरुले पनि सिक्दै गरेको सहचालकहरुलाई पनि चलाउन दिने गरेको कारणले पनि दुर्घटना हुने गरेको बताउनु भयो । उहाँले अब यी सवै कुराहरूमा प्रहरी प्रशासन थप कडाइका साथ लाग्ने बताउनु भएको छ । सवारी दुर्घटना कम गर्नका लागि चालकहरुले गरेको लापरबाही लाई तत्काल कम गर्न आफू प्रहरी निरिक्षककाे  हैसियतले काहीं कतै नचुक्ने पनि उहाँले बताउनु भएको छ ।

यसमा एउटा ट्राफिकको मात्र कमजोरी नभएर चालकहरु र यात्रीहरु को पनि कमजोरी रहेकोले एउटै ट्राफिक लाई मात्र दोष दिन नहुने उहाँले बताउनु भएको छ । उहाँले सवारी दुर्घटनाका घटनाहरु कम गर्नका लागि ट्राफिक, चालक र यात्रुहरु सवै जिम्मेवार हुनुपर्ने र एउटाको मात्र प्रयासले दुर्घटनाका घटनाहरु कम गर्न नसकिने भएकाले सवैले आफ्–आफ्नो ठाँउबाट थप जिम्मेवारीका साथ लाग्नुपनेृ बताउनु भएको छ ।

यसो हेर्दा बढी लापरबाही सवारी चालकहरू र यात्रुहरुकै भएतापनि यसमा ट्राफिकको पनि ध्यान नगएको पाइएको छ । एदि फेरि पनि ट्राफिकले थप कडाई नगर्ने हो भने सवारी दुर्घटनाबाट थप मानवीय क्षेती बेहोर्नु पर्ने अवस्था आउन सक्छ । त्यसकारण चालकहरुलाई सचेत गराउने जिम्मा ट्राफिकको हातमा रहेको छ ।प्रहरी निरिक्षक साँउदका अनुसार एक साता अगाडी भएको जिप दुर्घटना सहचालकबाट नै भएको र आइतवार भएकाो अटोरिक्सा दुर्घटनाको चालकलाइृ पनि नियन्त्रणमा लिई थप अनुसन्धान भइरहेको बताइएको छ ।