राम बहादुर दानी/बाजुरा– सेतो गुरास बाल विकास केन्द्र बाजुराले मातृभाषा सम्बन्धी एक दिने अन्तक्रिया कार्यक्रम सम्पनन गरेको छ । स्थानिय स्तरको मातृ भाषालाई कसरी प्रयोग गरी प्रारम्भिक बालबिकास केन्द्रका बालवालिका हरुलाई मातृभाषामा आकर्षित गराउन उत्प्रेरण जगाउन सकिन्छ भन्ने विषयमा बिषेश छलफल भएको थियो ।

एक दिने कार्यक्रमको अध्यक्षता बडीमालिका नगरपालिकाका नगर प्रमुख पदम बहादुर बढुवाल रहनु भएको थियो भने कार्यक्रमको बिशिष्ठ अतिथी नगर उप प्रमुख कविता बिष्ट रहनु भएको थियो । कार्यक्रममा बडीमालिका नगरपालिकाका प्रमुख प्रसाशकिय अधिकृत रंगमल बि.क.ले बडीमालिका नगरपालिकाले स्थानिय मातृभाषलाई प्राथमिक तहको पाठ्यक्रममा कसरी समेट्न सकिन्छ भन्ने विषयको प्रतिवेदन समेत प्रस्तुत गर्नु भएको थियो ।

युनिसेफ विश्व शिक्षाको आर्थिक सहयोगमा सेतो गुराँस वाल बिकास केनद्रको आयोजनामा उक्त एक दिने अन्तक्रिया कार्यक्रम बडीमालिका नगरपालिकाको तालिमहलमा समपन्न भएको हो । कार्यक्रममा शिक्षा क्षेत्रका ब्यक्तिहरुको सहभागीता रहेको थियो । बिशेषतः बडीमालिका नगरपालिका, हिमाली गाँउपालिका र खप्तड छेडेदह गाँउपालिकामा पहिलो चरणको स्थानिय मातृभाषाको प्रयोग वारे स्थानिय मातृभाषाको पाठ्यक्रम निर्माण गदै जिल्ला भिरीका हरेक स्थानिय तहममा लागु गर्ने पनि अन्तक्रियामा छलफल भएकको छ ।

हिमाली गाँउपालिकाका शिक्षा फाट, खप्तड छेडेदह गाँउपालिकाका शिक्षाफाँट र बडीमालिका नगरपालिकाका शिक्षा फाँटका प्रमुख तथा प्रतिनिधीको समेत उपस्थिति रहेको थियो । अन्तरक्रिया कार्यक्रममा बडीमालिका नगरपालिकाका भित्रका बिद्यालय तथा क्याम्पसका प्राचार्य, पत्रकार, शिक्षासंग सरोकारवाला निकायको उपस्थिति रहेको थियो ।

कार्यक्रममा बोल्दै बडीमालिका नगरपालिकाका नगर प्रमुख पदम बहादुर बडुवालले स्थानिय मातृभाषाको प्रयोगमा पालिका स्तरबाट गर्नु पर्ने पहल र सहयोग गर्ने बताएका थिए । कार्यक्रमको समापन पश्चात शिक्षा क्षेत्रमा काम गर्ने उपस्थित सबैले प्रतिवद्वता सहित आगामी दिनहरुमा मातृभाषाको प्रयोगमा आ–आफ्नो निकायबाट पहल र सहयोग गर्ने गरी प्रतिवद्वता पत्रमा एकमुष्ठ हस्ताक्षर गरेका थिए ।