306 पटक पढिएको
बाजुरा–जिल्लाको बडिमालिका नगरपालिका वडा न। ९ मा स्थानिय सरकार वडा बाट पाउने सेवा सुबिधाहरुमा अनियमितता हुने गरेको एक स्थानिय केशवराज पाध्यायले गुनासो गरेका छन् । वडाबाट पाउनुपर्ने सेवा सुबिधाहरुमा जहिले पनि अनियमितता हुने गरेको उहाँको दुखेसो रहेको छ । उहाँका अनुसार गत कार्तिक महिनामा तिन दिन सम्म लगातार आएको बेमौसमी वर्षाका कारण भएको क्षेतिको कुर्षि बिकास शाखाले क्षतिपुर्ति दिने निर्णय गरेको थियो । वडाबाट छनोट गर्ने जिममेवारी वडा कार्यालयलाई दिएको थियो । बर्षातका कारण क्षति ग्र्रस्त परिवारहरुलाई छनोट गर्ने निर्णय कृर्षि बिकास शाखाको गरेको भएतापनि छनोट गर्दा कसैलाई नसोधेर वडाका पधातिकारीहरुले आफ्नै मनोमानी तरिकाले आफ्नो नजिकैको मान्छेलाई छनोट गरेको उहाँले आरोप लगाउनु भएको छ ।
उहाँका अनुसार क्षेती सवैको भएको थियो तर छनोट गर्ने क्र्रममा आ–आफ्नो मान्छेलाई छनोट गरेको बताइएको छ । वडाकै जिम्मेवार व्यक्तिहरुले कसैको सुझाव सल्लाह नलिई आफ्नै मनोमानी तरिकाले सो कार्य गरेकोले यसमा आफ्नो आपत्ति रहेको उहाँको भनाई रहेको छ । यो सव वडाका जनप्रतिनिधिहरु मिलेर गरेको उहाँको आरोप छ । २०७४ सालमा स्थानिय चुनावमा बिभिन्न आश्वासन दिएर घरदैलोमा भोट माग्दै गर्दा भनेका कुनै पनि कुरा गर्न नसकेको पनि स्थानिय पाध्यायले दुखेसो पोख्नु भएको छ । उहाँले भन्नुभयो चुनावका वेला त हामी घरघरमा धारा बनाउन्छौ भन्थे, घरघरमा रोजगार दिन्छौ, बाटा घाटा निर्माण गर्छौ हामीलाई भोट दिनुस् भनेर हात र्जोर्दै आउन्थे तर चुनाव जितिसकेपछी त आफ्नै स्वार्थपुर्तिमा लागेका छन् ।
हामी तपाईरुको साथमा छौ हामी बिकास गर्छौ भन्दै दिने गरेका अभिव्यक्तिहरु झुट सावित भएका छन् । उल्टै तपाई हामो्र पार्टीको होइन हामिलाई तपाईको बिकास संग केही सरोकार छैन भन्ने गरेको पनि हामीले सुन्ने गरेका छौँ । हामीले वडाबाट अपेक्षा गरेको कुनै पनि बिकास निर्माण कार्य हुन सकेको छैन । यो बिषयमा सोही वडाका कार्यबाहक वडा अध्यक्ष लाल बहादुर नेपालीलाई सोध्दा उहाँले छनोटमा अनियमितता नभएको बताउनु भएको छ । छनोट गर्ने क्रममा आफु सो ठाँउमा नभएकाले आफु चितवनबाट फर्केर वडा कार्यालयमा पुगेपछी मात्र सो बिषयमा जानकारी पाएको उहााको भनाई हेको छ । वडाका जनप्रतिनिधिहरुले मनोमानी तरिकाले छनोट गरेको भन्ने कुरा आरोप मात्र रहेको अध्यक्ष ले बताउनु भएको छ । वडा सचिवले छनोट गर्दा केहीलाई छुटाएको भन्दै आफु एकपटक छुटेकाहरुको लिष्ट लिएर गएको तर म्याद सकिसकेको हुदा सम्भव नभएको बडीमालिका नगरपालिका वडा ९ कार्यबाहक वडाध्यक्ष लाल बहादुर नेपाली बताउनु भएको छ ।
