87 पटक पढिएको
बाजुरा- बुढिगंगा नगरपालिका वडा न २ मा बर्षाको समयमा भत्केको सडक बनाउन नगरपालिकाले कुनै पहल नगर्दा स्थानीयले आफै सडक बनाउन सुरु गरेका छन । बुढिगंगा नगरपालिकाको गुईगाडदेखी हातेलेख सडकमा स्थानीय सरकारले चासो नदिदा बर्षाले छेदबिच्छेद भएको सडक स्थानीयले बनाउन सुरु गरेको स्थानीय मदन जोशीले जानकारी दिए ।
हातेलेख हुदै खप्तड छेडेदह गाउँपालिका समेत जोडीएको लामो सडक रहेको र स्थानीय सरकारले कुनै चासो नदिएको भन्दै स्थानीय आफै सडक बनाउन सुरु गरेको स्थानीयहरुले भनाइ छ । सडकमा ठुल्ठुला ढुगांले भरिएको हुदा मान्छेबाट सम्भव नहुने भन्दै स्थानीयले धेरै पटक बुढिगंगा नगरपालिकामा सडक बनाउन आग्रह गरेको भए पनि अटेर गरेको स्थानीयकाे गुनासाे रहेकाे छ ।
डोजर प्रयोग गरेर फाल्नुपर्ने ठाउँमा पनि डोजर प्रयोग गरिदिन अनुरोध गरेता पनि नगरपालिकाले भने अटेर गर्दा हाल सम्म पनि सडक मर्मत हुन नसकेको स्थानीयले बताएका छन ।नगरपालिकाको आफ्नै डोजर छ तर हामीले यहा सडकमा भएका ढुगां पन्छ्याउन समस्या भएको स्थानीयले बताउन्छन् । नगरपालिकामा सामान्य मान्छेले गर्न सकिने ठाउँमा हामी आफै गछौँ ठुलो पहिरो र ढुगां भएको ठाउँमा नगरपालिकाले सहयोग गरिदिन आग्रह गर्दा पनि कुनै ध्यान नदिएको स्थानीयको आरोप रहेको छ । हाल बुढिगंगा नगरपालिका वडा न २ बजेडीका स्थानीयहरु आफै सडक मर्मत कार्यमा लागेको स्थानीय मदन जोशीले बताए ।
प्रतिक्रिया
सम्बन्धित खवर
