344 पटक पढिएको
बाजुरा– जिल्लाको पुर्वी क्षेत्रमा सञ्चालन भएको सडक मार्तडी कोल्टीसडक खण्ड अन्तरगत बडिमालिका नगरपालिका वडा न ७ को चुथी देखी ढम्कने सम्मको निर्माण कार्य अझै संचालन हुन सकेको छैन । कामको जिम्मा पाएको निर्माण कम्पनीले सडक निर्माणामा ध्यान नदिएको पाइएको छ । सो सडकमा सामान्य काम पनि नगर्दा गाडी तानेर यातायात सञ्चालन गर्नु परेको छ । मार्तडी देखी कोल्टी सम्म ४० किलोमिटर कालोपत्रे गर्ने गरि प्रदेश र संघ सरकार बाट रकम बिनियोजन भएको भएपनि अहिले सम्म सडक जस्तो पहिले थियो अहिले सम्म गाडी तानेर यातायात सञ्चालन गरिरहेका छन ।
मार्तडी देखी कोल्टी सम्म तिन खण्डमा पुर्वाधार विकास कार्यलय अछामले टेन्डर गरेको भएपनि यातायात तानेर सञ्चालन गरिहेका छन । मार्तडी देखी चुथि सम्म ९ किलोमिटर पहिलो खण्ड, चुथि देखी ढम्कने सम्म ५ किलोमिटर दोस्रो खण्ड र ढम्कने देखी कोल्टीचौर सम्म २६ किलोमिटर ठेक्का गरेर कार्यालयले निर्माण कम्पनीलाई जिम्मा दिएको थियो ।
अन्य सडक खण्डमा काम शुरु भइरहेको भएपनि दोस्रो खण्ड चुथी देखी ढम्कने सम्म ५ किलोमिटरमा ठेकेदारको लार्पवाहीले काम हुन सकेको छैन् । सो सडक खण्डमा ट्याक्टर जीप लगायतका यातायातका साधानहरू तानेर सञ्चालन गर्नुपरेको ट्याक्टर चालकले वताएका छन् । पटक पटक सडक सुधारका लागि हारगुहार गरेपनि कतै बाट पनि वास्ता नभएको स्थानिय नर बहादुर विकले बताए ।
सड्क खण्डमा गाडी तानेर यात्रा गर्न बाध्य भएका छन । अबस्थित सड्क र खाल्डा खुल्डीका कारण जोखिम रुपमा यातायात सञ्चालनमा हुने गरेको चालकले वताएका छन् । बडिमालिका नगरपालिका वडा न ७ का वडा अध्यक्ष धर्मराज पाध्यायले भने चुथि देखी ढम्कने सम्मको सडकको एक दुई ठाँउमा गाडी तानेर सवार गर्नुपर्ने बाध्यता रहेको वताएका छन । चुथी देखी ढम्कने सम्मको ५ किलोमिटर सडकको जिम्मा लिएको बाँनिया इश्वशेर जेवि कम्पनीले काममा ढिलाई गर्दा समस्यामा भएको वडा अध्यक्ष धर्मराज पाध्यायले बताउनु भयो ।
आयोजना कार्यालय साफेँबगरका प्रमुख रुद्र बोगटीले भने ठेकेदार कम्पनीको म्याद असारमा सकिएको थियो । कोरोनाको कारण भनेर आउदो असार सम्म म्याद थपेको बताए । गएको असार सम्म ५ किलोमिटर कालोपत्रे गरि सक्नु पर्ने हो, तर कोरोनाको कारणले १ बर्ष म्याद थपिएको छ ।आयोजना कार्यालय र जिल्ला प्रशासन कार्यालयले पटक पटक ताकेता गरेको भए पनि सो निर्माण कम्पनीले वास्था नगरेको बताएका छन । स्थानीय हिलोको प्रबाह नगरी पैदल गरिरहेका छन भने यातायातका साधानहरूलाइ कालोपत्रे गर्नुको साटो सामान्य यातायात सम्म सडक नबन्दा सास्ति भोग्नू परेको छ । ट्याक्टरको अगाडिको भागले तानेर पालै पालो गाडिहरु तान्ने गरेको जिव सञ्चालकले बताउनु भएको छ ।
कार्यलय प्रमुख बोगटीले भने पटक पटक कम्पनीलाई ताकेता गर्दा पनि वेवास्ता गर्दै आएको उनले बताए । दुई पटक चिठी पठाईसकेका छौ, तर पनी काम गर्न आलटाल गरिरहेको बताए । अहिले उक्त ठेकेदार सम्पर्कमा नआएको आयोजना कार्यालयका प्रमुख बोगटीले बताएका छन । बाँनिया इश्वशेर जेवि कम्पनीका ऋषि बाँनियाले भने बाजुरकाकै यज्ञ शाहिलाई कामको जिम्मा दिएको तर उनले समयमै काम गर्न नसकेको वताए । उसलाइ पटक पटक भनिरहेका छौ, अब उसले काम गर्न नसके अर्कोलाई जिम्मा दिएर चाडै निर्माण कार्य शुरु गर्ने भन्ने बानिया पनि निर्माण स्थल पुगेका छैनन ।
यस अघि बडिमालिका खवरको टिमले मंसिर २९ गते बानियालाइ सम्पर्क गर्दा केही दिनमै काम सुरू गर्ने भनेका भए पनि हाल सम्म सम्पर्क बिहिन बनेका छन । जिल्ला प्रशासन कार्यालय बाजुराले सडक निर्माण गर्न पटक पटक ठेकेदार र आयोजना कार्यलयलाई ताकेता गरेको भए पनि ठेकेदारले वेवास्ता गरेको वताए । मार्तडी कोल्टी सड्क खण्ड ४० किलोमिटर कालोपत्रेका लागि १ अरब ५७ करोड ७५ लाख १२ हजार रकम बिनियोजन भएको थियो । शुदुरपश्चिम प्रदेश सरकारको बहुबर्षिय योजनामा परेको सडक पनि हो ।
बिगतमा ४० किलोमिटरमा ३५ करोड भन्दा बढि खर्च भइसकेको थियो । २०५६ सालमा निर्माण कार्य शूरु भएको मार्तडी–कोल्टी सड्क निर्माण भएको २२ बर्ष सम्म पनि पुरा हुन सकेको छैन । २०५६ फाल्गुण ७ गते तत्कालिन जिल्ला सभापति लाल बहादुर थापाले उक्त सड्कको शिलन्यास गरेका थिए । शिलन्यासका बेला २०६० सम्म कोल्टिमा गाडी पुयाईसक्ने लक्ष्य राखेका थिए ।
