358 पटक पढिएको
बाजुरा- पछिल्लो समयमा बाजुरामा पनि कोभिड १९ को संक्रमण तीब्र गतिले फैलिदै गएको छ । दिनहुुँदिन संक्रमण हुने दर उकालो लाग्दै गएको देखिन्छ ।जिल्लामा संक्रमण दर फैलिदै गएपछि जिल्ला बासिहरु निकै त्रसित समेत भएका छन् । तर कोरोनाको लक्षणहरुको बिषयमा भने अधिकान्सलाई थहा छैन । यो अघिल्लो भेरियन्ट भन्दा बढी खतरनाक छ भन्दै मानिसहरुमा भय उतपन्न भएको छ भने अधिकान्स मानिसहरू ओमिक्रोन लागेपछि के हुन्छ भन्ने बिषयमा सर्वसाधारणहरु अन्योलमा छन् । जिल्ला अस्पताल बाजुराका प्रमुख डाक्टर प्राकाश राज जोशीले तेस्रो भेरियन्ट ओमिक्रोन पहिलाको अघिल्लो भेरियन्ट भन्दा एक व्यक्तिबाट अर्को व्यक्तिमा छिटो सर्ने प्रकृति बढीरहेकाे बताए । उहाँका अनुसार हाफ सम्मकाने अध्यन अनुसार फोक्सोमा भन्दा पनि घाँटिमा असर गर्ने, थकाई लाग्ने,टाउको र शरीरका मांशपेशी दुख्ने, हल्का शरीर तातिएको महसुस हुने, नाकबाट पानी आउने वा नाक बन्द हुने, रिङ्गटा लाग्नु एक्कासि जाडो हुने,रातिमा पसिना आउने,खोकी लाग्ने, आखाँ दुख्ने आदि लक्षणहरु रहेकाे बताइएकाे छ ।
पछिल्लो समयमा संक्रमण दर बढ्दै गएको भएतापनी अध्ययन अनुसार कोभिड विरुद्धको खोप लगाएको ब्यक्तिहरुमा पोजेटिभ देखिए पनि रोगको शिकिस्तता नभएको र ३–५ दिनमा चिन्ह लक्षण देखिएका बिरामी समेत सामान्य अबस्थामा आएको तथ्यांकहरुले देखाएकोले त्यति आत्तिनु भने नपर्ने उहाको भनाई छ । जिल्ला बासीहरुलाई ओमिक्रोनको संक्रमण बाट जोगाउनका लागि जिल्ला अस्पताल बाजुरा पुर्व तयारी गरिरहेको उहाले बताउनु भएको छ । साथै उहाँले अघिल्लो बर्षको जसरी कोभिड १९ का बिरामीहरुले उपचारको अभावमा ज्यान गुमाउन भने हुन नपर्ने बिश्वास लिएको बताउनु भएको हो । प्रमुख जोशीले जिल्ला अस्पतालमामा अक्सिजन प्लान्टको स्थापना भैसकेको ,पिसि आर टेस्ट मेसिन जडान भैसकेको, दुई वटा आइसीइउ बेडको निर्माण भैरहेको बिरामीहरुका लागि अम्बुलेन्स पनि २४ घण्टा सुचारु गर्न तयारी अवस्थामा रहेको बताएका छन् । अघिल्लो भेरियन्टको जस्तै क्षेती भने ब्यहोर्नु नपर्ने उहाँको बिश्वास छ । संक्रमण रोकथाम र नियन्त्रणका लागि पुर्व तयारी अव्यवस्थामा रहेको भएता पनि यसलाई कसैले हेलचक्राई गर्न नहुने र सवले स्वास्थ्य मापदण्डको पालना गर्न र कसैलाई अमिक्रोन का लक्षणहरु ज्वरो र खोकि बढेमा, श्वास फेर्न गारो भएमा, अक्सिजन लेबल ९५% भन्दा घटेमा तत्काल जिल्ला अस्पतालमा आएर सेवा लिन आग्रह गर्नुभएकाे छ ।
पछिल्लो समयमा तिब्र गतिमा फैलिदै गएको संक्रमण रोकथाम र नियन्त्रणका लागि सम्बन्धित सरोकारवाला निकाय र सर्वसाधारणले स्वास्थ्य मापदण्ड अनिवार्य पालन गर्नुपर्ने र सवैले आफ आफ्नो ठाउबाट यो माहामारी बाट जोगिनका लागि सतर्कता अपनाउनु पर्ने ,सवैको साझा प्रयासबाट मात्र संक्रमण रोकथाम र नियन्त्रणका सम्भव हुने उहाँकाे भनाई छ ।
