341 पटक पढिएको
बाजुरा– आज माघ १६ गते सहिद दिवस बाजुरा जिल्लामा पनि बिभिन्न कार्यक्रमका साथ मनाइएको छ । जहानिया राणा साशनको अन्त्य र प्रजातन्त्रको पुनर्बाहली गर्न ज्यानको आभुति दिने बिर सहिदहरु प्रति श्रद्वा सुमनका साथ बाजुरा जिल्लाको लोकतान्त्रिक चोकमा दिप प्रज्वलन गरी सहिद दिवस मनाइएको छ ।
नेपाली काँग्रेस बडीमालिका नगरपालिकाको आयोजनामा सदरमुकाम मार्तडीको लोकतान्त्रिक चोकमा दिप प्रजवलन गरी शहिदहरुको फोटामा माल्यार्पण गरी सहिद दिवस मनाइएको छ । बिभिन्न कालखण्डमा देशको लागी ज्यानको बली दिएर शान्तिको सास फेर्न पहिल्याएको बाटो कसैले नबिर्सने सन्देश काँग्रेस नगर कार्य समितिले दिएको छ ।
नेपाली काँग्रेस बडीमालिका नगरपालिकाका नगर कार्य सभापति गोपाल बहादुर कार्कीको अध्यक्षतामा सम्पन्न भएको सहिद दिवसको कार्यक्रममा नेपाली काँग्रेस जिल्ला कार्य समिति बाजुराका निवर्तमान सभापति कविराज पण्डित रहनु भएको थियो । कार्यक्रममा नेपाली काँग्रेस जिल्ला कार्य समिति बाजुराका उपसभापति पदम बहादुर बडुवाल, नेपाली काँग्रेस शुदुरपश्चिम प्रदेश सदस्य धनराज पण्डित, नेपाली काँग्रेस महाधिबेशन प्रतिनिधी कविता बिष्ट लगायतका नेताहरुको उपस्थिति रहेको थियो ।
लोकतान्त्रिक चोकमा नेपालको नक्सा बनाई मैनबत्ती जलाएर शहिदहरुको तस्विरमा माल्यार्पण गरी सम्पनन भएको हो । साँझ ६ बजे नेपाली काँग्रेसका बिभिनन नेता तथा भातृसंघका प्रतिनिधीहरुको उपस्थिति रहेको थियो । प्रजातन्त्रको स्थापनका लागि बिक्रम संवत १९९७ मा ४ जना शहिदहरुलााई राणहरुले बली दिएर मारेका थिए ।
सहिद दिवसमा बोल्दै प्रमुख अतिथी नेपाली काँग्रेस जिल्ला कार्य समिति निवर्तमान सभापति कविराज पण्डितले २००७ सालको प्रजातन्त्र बहालीका लागि नेपाली काँग्रेसले परिवर्तनमा नेतृत्व लिएर राणहरुको परास्त गरेको र बिभिन्न कालखण्डमा नेपाली काँग्रेसले प्रजातन्त्र पुनर्वाहाली देखि २०६२/०६३ सालको निरङ्कुस राजतन्त्रकाे अन्त्य गरी गणतन्त्र ल्याुउनमा बिशेष भुमिका निर्वाह गरेकोले सबैले नेपाली जनतालाई शान्तिको सास फेर्न दिएको संदेसलाई नबिर्सन अनुरोध समेत गर्नु भएको छ । कार्यक्रमको संचालन नन्दलाल खड्काले गर्नु भएको हो ।
