121 पटक पढिएको
बाजुरा- जिल्लाका सामुदायिक विद्यालयहरु माघ महिनाभर भौतिक उपस्थितिमा संचालन गर्न नदिने जिल्ला प्रशासन कार्यालय बाजुराले निणर्य गरेको छ ।
आज जिल्ला प्रशासन कार्यालयमा बसेको बैठकले कोभिड–१९ तिव्र रुपमा फैलिरहेको हुदा संक्रमण दरलाइ मध्यनजर गर्दै सोको रोकथाम तथा नियन्त्रण गर्नका लागि जिल्लाका सामुदायिक विद्यालय माघ महिनाभर भौतिक उपस्थितिमा नखोल्न निणर्य गरिएको हाे । त्यस्तै विद्यालयले शैक्षिक क्रियाकलाप भर्चुअल वा वैकल्पिक शिक्षण सिकाईको विधिहरु अपनाई संचालन गर्ने गराउने र जिल्लास्थित सवै स्थानीय तहहरुलाई अनुरोध पनि गरेकाे जिल्ला प्रशासन कार्यालय बाजुराले जनाएकाे छ । विद्यालयको शिक्षण क्रियाकलापहरु बन्द भएपनि शिक्षकहरुले अनिवार्य रुपमा विद्यालयमा हाँजिर हुनुपर्ने जिल्ला प्रशासनको आज बसेको बैठकले निणर्य गरेको छ । पछिल्लाे जिल्लामा कोभिड–१९ को संक्रमण तिव्र रुपमा फैलिएसंगै कोरोना संक्रमितहरुको संख्या समेत बढ्दै गएको पाईएको छ ।
प्रतिक्रिया
सम्बन्धित खवर
