145 पटक पढिएको
बाजुरा– प्रेस चौतारी नेपाल बाजुराले आफ्नो २४ औँ जन्मोत्सबमा बाजुराका दुइ जना पत्रकारहरुलाई सम्मानित गरेको छ । जिल्लामा लामो समय देखि पत्रकारिता गर्दै आएका प्रेस चौतारी नेपालका केन्द्रीय सदस्य बसन्त बिश्वकर्मा र रेडियो रेडियो शिम्भुनाथमा कार्यरत मनिसा घटालालाई नगद ५ हजार ५ शय ५५ को चेक र सम्मान पत्रले पुरस्कृत गरेको छ ।
प्रेस चौतारी नेपाल पाँचौँ जिल्ला अधिबेशनबाट नव निर्वाचित पदाधिकारीहरुको पहिलो बैठकले नै गत जेठ महिनामा कोरोनाका कारण मृत्यु भएका प्रेस चौतारीका संस्थापक सदस्य बिनोद कुमार बि.क.को स्मृतिमा प्रत्येक बर्ष बिनोद कुमार बिक स्मृति पुरस्कार बितरण गर्ने निर्णय गरेको छ । यसरी नव निर्वाचित प्रेस चौतारी नेपालले स्वर्गिय विनोद कुमार बि.क.को सम्झनामा जिल्लामा क्रियाशिल पत्रकारहरु मध्ये उत्कृष्ठ पत्रकारलाई बर्षेनी पुरस्कृत गर्ने भएको छ ।
आफ्नो स्थापना दिवसका अवसरमा हरेक बर्ष एक महिला र एक पुरुषलाई स्वर्गिय विनोद कुमार स्मृति पुरस्कारको ब्यवस्था गरे खनुरुप यो बर्ष पहिलो पुरस्कार जिल्लाका दुइ जना पत्रकारलाई दिइएको प्रेस चौतारी नेपाल बाजुराकी अध्यक्ष नन्दा थापाले जनाएकी छन । कार्यक्रममा बोल्ने अधिकाँश वसिष्ट बक्ता पत्रकारहरुले बिनोद कुमार बिक प्रेस चौतारी नेपालका संस्थापक सदस्य भएकोले स्वर्गीय बि.क. संगै पत्रकारिता गर्ने पुरस्कृत बसन्त बिकको लामो समयको पत्रकारिताको उच्च मुल्याङ्कन गर्दै सम्मान गरिएको बताएका छन ।
सम्मान तथा पुरस्कार कार्यक्रममा बोल्दै प्रमुख अतिथी प्रेस चौतारी नेपालका शुदुपश्चिम प्रदेश अध्यक्ष कृष्ण ओलीले स्वर्गिय बिनोद कुमार बि.क. संगै प्रेस चौतारीमा काम गर्दै आएकोले बशन्त बि.क.विनोद कुमार बिक स्मृति पुस्कार बाट पुरस्कृत भएको बताएका छन । शुभकामना मन्तब्य राख्दै ओलीले स्वर्गिय विनोद कुमार बिकले बोकेका सपनाहरु साकार पार्ने जिम्मेवारी पुरस्कृत बसन्त बिकको काँधमा आएको समेत बताएका छन ।
सम्मान तथा पुरस्कार कार्यक्रममा आफ्ना कुराहरु राख्दै विनोद कुमार वि.क. स्मृति पुरस्कारले आफुलाई ठुलो जिम्मेवारी काँधमा आएको बसन्त बि.क.ले जनाएका छन । सम्मान तथा पुरस्कार पश्चात भक्कानिएर आफ्ना कुरा राख्दै आफुले पत्रकारिता गरेको १६ बर्ष पछि आफुलाई गरेको सम्मानले थप जिम्मेवारी रहेको बिकले बताएका छन । कार्यक्रममा आफुलाई दिएको हौसला र उत्साह स्वरुपको ५ हजार ५ शय ५५ रुपैयाँ स्वर्गीय बिनोद कुमार बि.क.का छोराछोरीलाई सहयोग गर्ने पनि बिकले बताएका छन ।
प्रतिक्रिया
सम्बन्धित खवर
