बाजुरा– आसन्न मंसिर ४ गते हुने प्रदेश र प्रतिनिधी सभा निर्वाचनलाई लक्षित गर्दै नेपाली काँग्रेस बुढीगंगा नगर कार्य समितिले रणनितिक बैठक सम्पन्न गरेको छ । नेपाली काँग्रेस बुढीगंगा नगर कार्य समितिका सभापति जयराज पाध्यायको अध्यक्षतामा रणनितिक बैठक सम्पन्न भएको हो । कार्यक्रममा नेपाली काँग्रेस जिल्ला कार्य समिति बाजुराका सभापति रामसिंह रावल प्रमुख अतिथी रहनु भएको थियो ।

रणनितिक बैठकमा नेपाली काँग्रेस बाजुराको तर्फबाट प्रदेश सभा (ख) का उम्मेद्वार पदम बहादुर शाही, नेपाली काँग्रेसको तर्फबाट प्रदेशसभभा समानुपातिक उम्मेद्वार जुना दानी, नेपाली काँग्रेस जिल्ला कार्य समिति उप सभापति पदम बहादुर बडुवाल, नेपालीकाँग्रेस प्रदेश सभा (ख) का सभापति रंग बहादुर खाती, प्रदेश कार्य समिति सदस्य धनराज पण्डित, नेपाली काँग्रेस जिल्ला कार्य समिति सचिव तिलकराज पुरी, लगायत बिशिष्ट अतिथी रहनु भएको थियो । बैठकमा महाधिबेशन प्रतिनिधी योगेन्द्र रावल लगायतका भातृ तथा सुभेच्छुक संस्थाका पदाधिकारी तथा कार्यकर्ताहरुको ब्यापक उपस्थिति रहेको थियो ।

बैठक बुढीगंगा नगरपालिकाको फालासैन स्थित बडीमालिका क्याम्पसमा सम्पन्न भएको हो । नगर सभापति जयराज उपाध्यायको संयोजकत्वमा मुल प्रचार प्रसार समिति गठन गरिएको समाचार नेपाली काँग्रेस केन्द्रीय प्रचार प्रसार उप–समिति सदस्य तपेस रावलले जानकारी दिनु भएको छ । बैठकले आगामी प्रदेशर प्रतिनिधी सभा निर्वाचनमा नेपाली काँग्रेसलाई कसरी जिताउन सकिन्छ भन्ने बिषयमा रणनितिक योजना तय गरेको केन्द्रीय प्रचार प्रसार उप–समिति सदस्य तपेस रावलले बताउनु भएको छ ।

नेपाली काँग्रेसका सत्य यजेण्डाहरु लिएर बुढीगंगा नगरपालिकाका सबै बस्ती बस्ती र घरघरमा जनता भेटघाट अचियानमा सबै नेताहरुले गएर जनतालाई झुट्टो भन्दा पनि सत्य तथ्य कुराको बारेमा जानकारी गराउन नेता तथा कार्यकर्तालाई निर्देशन दिने बताइएको छ । बिभिन्न कपोकल्पित झुट्टा आसपासन र मिथ्या कुराहरु लगाएर जनताले बिश्वास नगर्ने भएकोले नेपाली काँग्रेस सत्य कुराको मात्र वकालत गर्ने भएकोलेसबै नेता तथा कार्यकर्ताले अबुझ समुदायमा गएर नागरिकहरुलाई प्रशिक्षण दिनुपर्ने आवश्यक रहेको रणनितिक बैठकले निष्कर्ष निकालेका छ ।