186 पटक पढिएको
बाजुरा- ईन्टरनेट सहितको मोबाइल टावर निर्माण गरी सेवा बिस्तार गरिने दिने पत्र हिमाली गाउँपालिकाले पठाएको छ।
मानव विकास सूचकांकमा नेपालकै ७७ औं स्थानमा रहेको बाजुरा जिल्लाको पनि अति दुर्गम विकट एवम् पिछडिएको गाउँपालिका हिमाली गाउँपालिका हुम्ला र मुगु संग सिमाना जोडिएको गाउँपालिका रहेको बताएको छ। करिब ११ हजार भन्दा बढी जनसंख्या रहेको गाउँपालिका बाजुरा जिल्लाको समग्र भूगोलका हिसाबले झन्डै ४३% प्रतिशत भूगोल ओगटेको छ। हिमाली गाउँपालिकाको क्षेत्रमा पर्ने तथा सदरमुकाम बाट गाउँपालिका केन्द्र सम्म २ दिन पैदल दुरी रहेको एवं गाउँपालिका क्षेत्र भित्र पनि कम्तीमा आधा दिन देखि बढीमा ५ दिन सम्म पैदल यात्रा गर्नुपर्ने बाध्यता रहेको बताएको छ।
बिकास पुर्वाधार हिसाबले बिकास क्रममा पछाडि परिरहेको भौतिक संरचना र सोलार ब्याकप व्यवस्थापन गरेर मात्र नेपाल टेलिकको कार्यालय बाट गाउँपालिका नजिकै एउटा जडान गरेर पालिकाको केन्द्रको लागि टेलीफोन मोबाइल सेवा बिस्तार गरिएको छ। गाउँपालिकाको केन्द्रमा टेलिफोन सञ्चालन भए पनि अहिले सम्म यहाँका समुदाय स्तरका बस्तीमा सबै नागरिकले मोबाइल सेवा तथा ईन्टरनेट को सुबिधा लिन सकिरहेको छैन।
दुर्गम तथा पछाडी परिरहेको हिमाली गाउँपालिकाको तपशिलका स्थानमा ईन्टरनेट सहितको टेलिकम टावर बिस्तार गरी नागरिकहरुलाई टेलिकमको पहुँचमा पुर्याउने कार्य आवश्यक सहयोग गरिदिनु हुनका लागि पालिका बाट पत्र पठाएको थियौं। आजभन्दा धेरै अधि पनि पटक पटक नेपाल टेलिकमको प्रदेश हुदै केन्द्रिय कार्यालय लाई समेत अनुरोध गरिएको पनि बताएको छ। स्थानीय नागरिक लाई टेलीफोन सम्बन्धि पटक पटक समाचार र सामाजिक संजालमा समेत कुराको रूपमा उठिरहदा समेत सम्बोधन नभएको र समस्या जस्ताको त्यस्तै रहेको हुँदा पुनः सम्बन्धि निकायमा अगाडी बढाएको बताएको छ।
तपशिल:-
१. नेपाल टेलिकमको शाखा कार्यालय मार्तडी बाजुरा
२. नेपाल टेलिकम कार्यालयको क्षेत्रीय/प्रदेश कार्यालय अत्तरिया
३. नेपाल टेलिकमको कार्यालय, काठमाडौ
४. जिल्ला प्रशासन कार्यालय मार्तडी बाजुरा
गाउँपालिकाको विभिन्न बस्तीमा ईन्टरनेट सहित टेलिकम टावर बिस्तार गरी संविधानत नागरिक लाई समेत लाई मध्यनजर गर्दै नागरिक लाई ईन्टरनेट सहित टेलिकम पहुँच पुर्याउने कार्यमा आवश्यक सहयोग लागि सम्बन्धि निकाय पठाएको हिमाली गाउँपालिका निमित्त प्रमुख प्रशासकीय अधिकृत राज बहादुर भण्डारीले बताउनु भएको छ।
विशेषगरी हिमाली गाउँपालिका वडा नम्बर १ को बिच्छ्या वडा नम्बर ३ को गुम्बा वडा नम्बर ५ को कवाडी वडा नम्बर ६ को पाँडी गाउँको लागि ईन्टरनेट सहितको मोबाइल टावर निर्माण गरी सेवा बिस्तार गरिने दिने विषयमा सम्बन्धि निकायमा अगाडी बढाएको अधिकृत भण्डारीले बताउनु भएको छ।
प्रतिक्रिया
सम्बन्धित खवर
