291 पटक पढिएको
बाजुरा= जिल्लाको त्रिवेणी नगरपालिका भित्र रहेका ५ वटा स्वास्थ्य संस्थालाई पुर्ण संस्थागत सुत्केरी घोषणा गर्ने तयारी रहेको छ्।नेपाल सरकारले तय गरेको पुर्ण संस्थागत सुत्केरी स्थानीय तह घोषणा कार्यक्रम संचालन निर्देशिका अनुसार त्रिवेणी नगरपालिकामा रहेका ५वटा स्वास्थ्य संस्थालाई यसै वर्ष भित्र पुर्ण संस्थागत सुत्केरी घोषणा गर्ने कार्य योजना रहेको त्रिवेणी नगरपालिका नगर प्रमुख कर्ण बहादुर थापाले बताए । उनले भने पुर्ण संस्थागत सुत्केरी स्थानीय तह घोषणा कार्यक्रम संचालन निर्देशका अनुसारको मापदण्ड पुरा गरेका स्वास्थ्य संस्थालाई घोषणा गर्ने तयारी रहेको र ति मापदण्ड पुरा नगरेका स्वास्थ्य संस्थालाई पुरा गर्न लगाएर घोषणा गर्ने बताए ।
यस वर्ष भित्र पुर्ण संस्थागत सुत्केरी घोषणा हुने स्वास्थ्य संस्थाहरू छतारा स्वास्थ चौकी,तोली स्वास्थ्य चौकी,किम्नी स्वास्थ्य सेवा केन्द्र,पन्धारा आधारभुत्त स्वास्थ्य सेवा केन्द्र र कैलाशमाण्डौ स्वास्थ चौकीलाइ घोषणा गर्ने तयारी रहेको त्रिवेणी नगरपालिका प्रमुख प्रशासकीय अधिकृत चिरञ्जीवी प्रशाद शाहले बताए । प्रमुख प्रशासकीय अधिकृत शाहाले भने पुर्ण संस्थागत सुत्केरी घोषणाका मापदण्ड कम्तीमा ९० प्रतिशत गर्भवतीले नेपाल सरकारको प्रोटकल अनुसार ८ पटक गर्भवती जांच गराएको हुनु पर्ने ।
कुल गर्भवतीको कम्तिमा ९० प्रतिशतले संस्थागत सुत्केरी भएको हुनुपर्ने ।कम्तीमा ९० प्रतिशत गर्भवती महिलाले दक्ष प्रसुतिकर्मीहरूको उपस्थितमा स्वास्थ संस्थामा नै सुत्केरी गराएको हुनुपर्ने र कम्तीमा ९० प्रतिशत सुत्केरी महिलालको प्रोटकल अनुसार ४ पटक सुत्केरी जांच भएको हुनु पर्ने भएकाले यो मापदण्ड त्रिवेणी नगरपालिका भित्र रहेका १२ मध्य यि ५ वटाले पुरा गरी सकेको भएकाले तत्काल यसै वर्ष पुर्ण संस्थागत स्थानीय सुत्केरी स्वास्थ्य संस्था घोषणा गर्ने कार्यक्रम रहेको बताएका छन ।
