327 पटक पढिएको
गोबिन्द्र राज उपाध्याय,असार ९,बाजुराः जिल्लाको बुढीगंगा नगरपालिका वडा।नम्बर।५ मा रहेको भानोदय माध्यामिक बिद्यालयका प्रधानाध्यापक मानवीर खातीको बिदाई गरीएको छ । सेवा निवृत भएसंगै प्रधानाध्यापक खातीको एक कार्यक्रमका बिच आज बिदाई गरीएको हो । करिब ८ बर्ष देखि स्कुलको प्रधानाध्यापकको रुपमा रहि शिक्षण गराउँदै आएका खाती उमेर हदका कारण सेवानिवृत भई अवकास हुनु भएसंगै एक समारोहका बीच बिदाई तथा सम्मान गरिएको बिद्यालय स्रोतले जनाएको छ ।
बुढीगंगा नगरपालिकाका मेयर अन्य सामुदायिक विद्यालयका प्रधानाध्यापकहरु, नगर शिक्षा शाखा, विद्यालय व्यवस्थापन समिति, शिक्षक तथा विद्यार्थीहरु सहितको उपस्थितिमा प्रधानाध्यापक खातीको बिदाई गरीएको हो । विदाइ तथा सम्मान कार्यक्रममा प्रमुख अतिथि, बिशिष्ट अतिथि तथा अतिथिहरुले विद्यालयले तयार पारेको सम्मानपत्र, मायाको चिनो उपहार सहित, फूलमाला, खादा र दोसल्ला ओढाएर बिदाई तथा सम्मान गरेका थिए । साथै प्रधानाध्यापक खातीको बिदाई कार्यक्रममा सांस्कृतिक प्रस्तुती देउडा साथै साहित्य प्रेमी गौरब बिष्टले गजल वाचन समेत गरेका थिए ।
खाती एक अशल शिक्षक मात्र नभई सबैको लागी अभिभावक पनि हुन् । उनको ज्ञानका कारण उहाँले पढाएका शिष्यको अहिले ठुलो प्रगति भएको देख्न सकिन्छ । बिद्यालयको चौतर्फी बिकाशको लागी सधै अगाडी बढ्ने प्रधानाध्यापक खातीले बिगत लामो समयदेखि भानोदय माध्यामिक बिद्यालयको हक हितको तथा बिद्यालयको प्रशासनिक सुधार तथा बिद्यालयको शैक्षिक गुणस्तर उकास्नको लागी महत्वपुर्ण योगदान गर्दे आईरहेका थिए । बिद्यालयको प्रधानाध्यापको पदमा रहँदासम्म बिद्यालयको बिभिन्न क्षेत्रमा अमुल्य सहयोग गर्दे आएका शिक्षक खाती सेवा निवृत भएसंगै बिद्यालयबाट बिदाई भएका छन् । करिब आठ बर्ष सम्म बिद्यालयमा शिक्षण गराउँदै आएका शिक्षकलाई सेवानिवृत पश्चात बिदाई गर्दा बिद्यालयका शिक्षक लगायत बिद्यार्थीहरु भावुक बनेका हुन् । कतिपय बिद्यार्थीहरु भने टिका लगाउँदै प्रधानाध्यापक खातीलाई अगांलो हाल्दै रोएका थिए भने खाती बिद्यालय स्रोतबाट बिदाई हुदै गर्दा सबैका आँखा समेत रसाएका थिए । बिद्यालय परिवारले खातीलाई बाजा गाजा सहित बिदाई गरेको हो ।
आज एक अपौचारीक कार्यक्रमका बिच सेवानिवृत प्रधानाध्यापक खातीलाई बिदाई गरीएको बिद्यालय स्रोतले जानकारी दिएको छ । बिदाई कार्यक्रममा आँखाबाट आँशु नझार्ने सायदै कमै मात्रामा थिए प्रधानाध्यापक खातीले यति माया दिएका रहेछन भन्ने कुरा प्रस्ट देख्न सकिन्थ्यो । बिद्यालयबाट बिदाई भएपनि बिद्यालय प्रतिको र बिद्यार्थी प्रतिको माया कहिल्यै नभुल्ने प्रधानाध्यापक खातीले बताएका थिए । आफु बिद्यालयबाट बिदाई भएपनि बिद्यालय प्रतिको माया,बिद्यालयको शैक्षिक सुधारको लागी अझै आफुले गर्न सक्ने कार्य गरीरहने उनले बताएका हुन् । लामो समयसम्म प्रधानाध्यापकको रुपमा रहेको बिद्यालयबाट एक्कासी बिदाई हुँदा आफुलाई पनि नराम्रो लागेको खातीले बताएका हुन् । बिदाई कार्यक्रममा बोल्दै प्रधानाध्यापक खातीले म जति टाढा भएपनि बिद्यालय प्रतिको माया गाढा रहिरहने बताएका हुन् । साथै बिद्यार्थीहरुको उज्जवल भबिष्यको समेत उनले कामना गरेका हुन् ।
बिद्यालयका निमित्त प्रधानाध्यापक धन बहादुर नाथको अध्यक्षतामा संञ्चालन भएको बिदाई कार्यक्रमको प्रमुख अतिथि बुढीगंगा नगरपालिकाका नगर प्रमुख रामबहादुर बाँनिया रहेका थिए । त्यस्तै कार्यक्रममा बिशिष्ट अतिथि जिल्ला समन्वय समिति सदस्य हिक्मत थापा रहेका थिए । त्यस्तै कार्यक्रममा नगर उपप्रमुख माया कुवँर खड्का, बिब्यस अध्यक्ष हिक्मत थापा,सदस्य भजन शाह,शिक्षक अभिभावक संघका अध्यक्ष केशवराज जैशी,बुढीगंगा नगरपालिका वडा।नम्बर पाँच र छ का वडा अध्यक्ष लगायत अभिभावको उपस्थित रहेको थियो । उक्त बिदाई कार्यक्रममा सम्पुर्ण बिद्यार्थीको तर्फबाट स्वागत मन्तब्य कक्षा १० मा अध्ययनरत बिद्यार्थी गौरब बिष्टले राखेका थिए भने कार्यक्रमको सञ्चालन बिद्यालयका शिक्षक देवराज जैशीले गरेका थिए ।
