854 पटक पढिएको
बाजुराः– मंगलबार बिहान भएको जिप दुर्घटनामा परी घाइते भएका खुई जनाको जिल्लामा उपचार सम्भव नभए पछि हेलिकप्टर मार्फत नेपालगंज रिफर गरिएको छ ।
घाइतेहरुको जिल्लामा उपचर सम्भव नभएपछि थप उपचारका लागि नेपालगंज रिफर गरिएको हो । कोल्टी अस्पताल बाजुराको समन्वय र संस्कृति, पर्यटन तथा नागरिक उड्डयन मन्त्रालयको पहलमा थप उपचारका लागि नेपाल रिफर गरिएको बताएको छ। संस्कृति पर्यटन तथा नागरिक उटड्ययन मन्त्री बद्री प्रसाद पाण्डेका स्वकिय दीनेश शाहीको बिशेष पहलमा थप उपचारका लागि हेलिकप्टरको ब्यबस्था गरिएको एक श्रोतले जनाएको छ ।
नेपाल टेलिकमको टावर मर्मतका लागि गएको वा ५ च २२०१ नम्बरको जिप मंगलबार विहान ९:३० बजे काडाँकोटमा दुर्घटना भएको थियो । जगनाथ गाउँपालिका २ काडाँकोटमा नेपाल टेलिकमको जिप दुर्घटनामा परी गम्भिर घाइते भएका २ जनालाई हेलिकप्टरमार्फत नेपागञ्ज लगिएको छ ।
दुर्घटनामा परी बुढीनन्दा नगरपालिका २ कोल्टीका २५ वर्षीया नन्दराम तिरुवा र २२ वर्षीया लोकेन्द्र तिरुवा घाइते भएको थिए ।
दुर्घटनामा मृतकहरुमा नेपाल टेलिकम शाखा कार्यालय बाजुरा शाखाका कार्यालय प्रमुख ४५ बर्षिय लोक बहादुर खड्का, नेपाल टेलिकम कालाजग्रामा कार्यरत बाजुरा जिल्लाको बडीमालिका नगरपालिका वडा नं. ७ ढम्कने घर भएका ३५ बर्षिय रविन्द्र धामी र कञ्चनपुर जिल्ला कृष्णपुर नगरपालिका वडा नं. २ बाणी घर भएका ५७ बर्षिय जीप चालक करन सिंह महतारा भएको थियो ।
