100 पटक पढिएको
डोटी– बाजुरा जिल्लाको त्रिवेणी नगरपालिकामा पर्ने बडीमालिका मन्दिरमा प्रत्येक बर्ष जस्तै यस बर्षको जनै पूर्णिमाको दिन लाग्ने मेलाका लागि डोटीको सिलगढीबाट डोल पठाइएको छ । जिल्ला सदरमुकाम सिलगढीबाट सोमबार बाजुरा जिल्लामा रहेको बडिमालिका मन्दिरका लागि सरकारी डोल गएको छ ।
सिलगढीमा रहेको रुद्रध्वज गणको सैनिक टोली तथा जिल्ला प्रहरी कार्यालय डोटीको टोलीले शैलेश्वरी मन्दिरमा उक्त डोललाई सलामी दिएपछि सरकारी कर्मचारीसहितको सरकारी डोल बाजुरमा रहेको बडिमालिका मन्दिरका लागि प्रस्थान गरेको हो ।
राणाकालदेखि जिल्ला प्रशासन कार्यालय सिलगढीमा पूजाआजा गरी विधिवतरूपमा सरकारी कर्मचारीले डोल लैजाने चलन रहँदै आएअनुसार सरकारी डोल पठाएको निमित्त प्रमुख जिल्ला अधिकारी मधुकृष्ण पौड्यालले बताए ।
दिनेश खबरबाट साभार
प्रतिक्रिया
सम्बन्धित खवर
