कालीकोट/असाेज, ११- जिल्लाको शुभकालिका गाउँपालिकाकी उपाध्याक्षले पत्रकारका बिरुद्ध जिल्ला अदालतमा दिएको मुद्दा फिर्ता लिइएकी छन । आफ्नो र कृषि मन्त्रीको नाम जोडेर समाचार प्रकाशित गरेको भन्दै पत्रकार बिरुद्ध दिएको वेइजेतीको मुद्दा आफुले आक्रोसमा आएर दर्ता गराएको भन्दै फिर्ता गरेकी हुन् ।
समाचार शेयर गरेको र स्टाटस हालेको भन्दै आधादर्जन पत्रकार बिरुद्ध दर्ता गराएको मुद्दा गाउँपालिका उपाध्याक्षले फिर्ता लिएको जानकारी गर्नु भएको छ । समाचार शेयर गरेको भन्दै रेडियो नयाँ कर्णाली तथा कर्णाली प्रेसका अध्यक्ष पत्रकार ललित बिष्ट माथि गरेको हातपात, गाली गलौजका बिरुद्ध पत्रकारले आन्दोलन गर्ने र उपाध्याक्ष बिरुद्ध समेत मुद्दा दर्ता गर्ने भनेपछि उपाध्यक्ष पम्पा कुमारी शाहीले आफुले आवेगमा आएर मुद्दा दर्ता गरेको र पत्रकार माथि पनि जाईलाग्नु मेरो गल्ती भएको भन्दै माफि माग्दै मुद्दा फिर्ता लिनु भएकि हुन ।

जिल्ला प्रशासन कार्याललय कालिकोटमा आफुले समाचारकै बिषयमा गरेको ब्यवहार गलत भएको भन्दैमा आफुलाई एक पटकलाई माफि दिन भनेपछि पत्रकारले अदालतमा आफु बिरुद्ध दर्ता मुद्दा फिर्ता लिन माग गरेका थिए । पत्रकारको माग अनुसार मुद्दा फिर्ता लिएर आज सहमति भएको हो । गाउँपालिका उपाध्याक्ष शाहीले आफ्नो पक्ष लिएर कसैले पनि पत्रकारलाई फोन गरी कुनै कुरा नगर्न पनि आफुले सार्वजनिक रुपमा अपिल गर्ने भने पछि पत्रकारले एक पटकका लागि गाउँपालिका उपाध्याक्षलाई माफि दिदै आगामी दिनमा समाचारका बिषयमा अराजक्ता नदेखाउन सुझाव दिएका थिए ।

असोज ८ गते समाचार सेयर गरेको र फेसवुकमा स्टाटस लेखेको भन्दै पत्रकार ललित बिष्ट माथि जिल्ला प्रहरी कार्यालय कालिकोटको हाता भित्रै हातपात भएको थियो,भने गोरखापत्रका समाचारदाता प्रेमराज सिम्खाडालाई गाली गलौज भएको थियो । त्यसका बिरुद्ध पत्रकार बिस्टले गाउँपालिका उपाध्याक्ष जस्तो ब्यक्तिलाई कानुनी कार्वाही गर्न माग गदै प्रहरीमा उजुरी दिएका थिए । गाउँपालिका उपाध्याक्ष पम्फा कुमारी शाहीको टिकटक आईडीमा कर्णाली प्रदेशका कृषि मन्त्री कुर्मराज शाहीको तस्विर सहितको बिन्दास गितको भिडियो अपलोड भएको बिभिन्न सञ्चार माध्यामले गाँउपालिका उपाध्याक्षसंग मन्त्री शाहीको नाम जोडर समाचार प्रकाशन भएको थियो।