बाजुरा– जिल्ला सदरमुकाम मर्तडी र आसपासका क्षेत्रहरुमा फेर जी सेवा अवरुद्व भएको छ । निरन्तर रुपमा फोर जी सेवा संचालनमा रहेको सदरमुकाम मर्तडी र आसपासका क्षेत्रहरुमा फोर जी सेवा अवरुद्ध भएको हो । केही दिन एता जिल्लामा इन्टरनेट सेवामा कमी आएको भन्दै जिल्लाका बिभिन्न मिडियामा कार्यरत संचारकर्मिहरुले संयुक्त हस्ताक्षरितमा ज्ञापन पत्र बुझाएको एक हप्ता भित्रै नेपाल टेलिकम बाजुराले इन्टरनेट सेवाको गति बढाउनुको सट्टा उल्टै फोर जी सेवाबाट थ्री जी सेवामा झारेको छ ।

जिल्लामा इन्टरनेट सेवामा समस्या आए पछि सूचना प्रबाह गर्न निकै नै कठिनायी भएको छ । जिल्लाको बाँझ खर्कमा रहेको नेपाल टेलिकमको टावरमा फोर जी सेवा जडान पश्चात जिल्लाको बडीमालिका नगरपालिका वडा नं. १ का चारवटा गाँउहरुमा नियमिति चलिरहेको फोर जी सेवा पनि घटेर टु जी सेवामा आएको छ । यसरी नेपाल टेलिकमलाई इन्टरनेट सेवामा गति बढाउन जिल्लाका बिभिन्न मिडियामा कार्यरत संचारकर्मीहरुले ज्ञापन पत्र बुझाएता पनि उक्त ज्ञापन पत्रको वेवास्था गरेको पाइएको छ । जिल्ला स्थित संचारकर्मिहरुले आफले बुझाएको ज्ञापन पत्रको सुनुवाई नभएको गुनासो गर्दै आइरहेका छन । ज्ञापन पत्र बुझेर नेपाल टेलिकम बाजुराका प्रमुखले तत्कालै समस्या समाधानका लागि पहल गर्ने आस्वाशन दिएको भएतापनि नेपाल टेलिकमले इन्टरनेट सेवामा खेलाची पन देखाएको पाइएको छ ।

इन्टरनेट सेवा तत्काल दु्रत गतिमा संचालन गनुपर्ने माग सहित संचारकर्मिहरुले ज्ञापन पत्र बुझाएको हप्ता दिन नबित्दै इन्टरनेट सेवाको गति झन पहिलाको भन्दा घटेको छ । इन्टरनेट सेवामा समस्या आएपछी जिल्ला भित्रका बिभिन्न घटना क्रमहरुलाई केन्द्रिय मिडियाहरुमा सुचना प्रशारण गर्न समस्या भइरहेको छ । बिशेष गरेर इन्टरनेत सेवा सुस्त गतिमा चल्न थालेपछी जिल्ला स्थित सम्पुर्ण मिडियामा कार्यरत संचारकर्मिहरु सवैभन्दा बढी मारमा परेका छन । यसका साथै फोर जि सेवा अवरुद्ध भएपछी जिल्ला स्थित सरकारी तथा गैरसरकारी सस्थाका कार्यालयहरुमा सम्पुर्ण काम काजहरु गर्न  असहज  भएको छ । कार्यालयहरुमा इन्टरनेट सेवा सुस्त गतिमा संचालन भइरहदा सेवा ग्राहिहरू  रित्तो हात फर्किनु पर्ने बाध्यता सिर्जना भएको छ । यसरी रित्तो हात घर फर्किनु पर्दा अतिआवश्यक कामहरु पनि रोकिएको अवस्था छ ।