404 पटक पढिएको
बाजुरा –जिल्लाको खप्तड छेडेदह गाउँपालिका वडा न . २ मा एक महिलाको ढुङ्गाले च्यापिएर मृत्यु भएको छ । मृत्यु हुनेमा सोही गाउँपालिका वडा न .i ३ माइती घर भैइ सोही गाउँपालिकाको वडा न . २ पिपलगाउ स्थायी घर भएकी २८ बर्षिया युवती सीता थापा रहेकी छन् । आफन्तका अनुसार मंगलवार बिहानै स्याउला जान्छु भनेर गएकी थिइन । आफैले टेकेको ढुङ्गा पल्टिदा च्यापिएर गम्भीर घाइते भएकी हुन । घाइते भएकी उनलाई उपचारका लागि अछाम स्थित बयालपाटा अस्पताल लैजादै गर्दा बिच बाटोमै मृत्यु भएको आफन्तले जनाएका छन् ।
सो ठाउँबाट अछाम स्थित बयालपाटा अस्पताल पुर्याउन ढिलो भएका कारण मृत्यु भएको बताईएको छ । मृर्तक थापाकी ५ बर्षिया र ६ महिनाकी छोरी रहेकी छन् ।अमाको मृत्यु भएपछि दुई वटै छोरीहरुको बिचल्ली भएको छ ।थापाकि ६ महिने छोरी समेत भोकभोकै छट्पटाईरहेकी र जीवन मरणको दोसाँधमा छीन । ६ महिनाकी दुधे अवोध ती बालिका अब बाच्छिन अथवा बाच्दिनन त्यो पनि निश्चित छैन ।
जिल्लामा नजिकै जटिल समस्या भएका बिरामीहरुको उपचार हुने अस्पताल नहुदा दिन प्रतिदिन उपचारमा ढिलाई भएर ज्यान गुमाउनु पर्ने अवस्था छ । करीव ४/५ घण्टाको सवार पछि मात्र अछाम स्थित बयालपाटा अस्पताल पुगिने हुदा उपचारमा ढिलाई भै उपचार नै नपाएर अकाल्मै ज्यान गुनाउनु पर्ने समस्या जिल्ला बासिहरुले भोग्दै आइरहेका छन् । तर केन्द्रिय स्तरको नेतृत्व गर्ने नेतृत्व पंक्तिमा रहेका बाजुराका नेताहरु भने यो बिषयमा मौन देखिन्छन । जटिल समस्या भएका बिरामीहरुले उपचारकै लागि घण्टौ सम्मको सवार गरिराख्नु पर्ने, उपचारकै लागि अन्य जिल्लामा धाउनुपर्ने, र अभावमा ज्यान गुमाउनु पर्ने बाध्यता कहिले सम्म रहिरहन्छ त भनेर जिल्ला बासिहरुले दुखेसो पोख्ने गरेको पाईन्छ । नजिक अस्पताल भैइ समयमा उपचार पाएको भए बाच्ने थिए होला भन्ने आशबाट जिल्ला बासिहरु कहिले सम्म मुक्त हुन्छन् त सरकार ? कहिले सम्म बाजुराका बिरामीले समयमै उपचार नपाई अकालमै जयान गुमाउनुपर्छ ?
