350 पटक पढिएको
बाजुरा – जिल्लाको त्रिवेणी नगरपालिका वडा नं. ८ पन्तालिका खड्क बहादुर साउँद कांग्रेस छाेडेर २ दशकपछि फेरी एमालेको सक्रिय राजनीतिमा फर्किएका छन्।दुईदशक देखि एमाले पार्टीबाट निस्कृय रहेका साउँदले आफु पुःन एमालेको सक्रिय राजनीतिमा फर्किएको सोमबार मार्तडीमा पत्रकार सम्मेलन मार्फत जानकारी गराएका छन् ।एमाले बाजुराको स्थापनाकाल देखि पार्टीको संगठित सदस्य रहेका साउँद २०५४ सालबाट पार्टीका गतिविधिहरुबाट टाढा भई निस्कृय भएकाे बताएका छन् । परिस्थितिले गर्दा लामो समयसम्म निस्कृय बनाएको कारणबाट टाढा हुन पर्ने अवस्था सिर्जना भएको उनको भनाई थियो ।
२०५२ सालमा अनेरास्ववियुको जिल्ला उपाध्यक्ष समेत बनेका साउँदले राजनीतिक परिस्थितिले काँग्रेस रोज्न बाध्य भएका थिए । २०५६ सालदेखि हालसम्म काँग्रेस राजनीतिमा सक्रिय रहेपनि मुक्ती र परिर्वतन, देश र जनताको हित काँग्रेसबाट संवभ नदेखेपछि आफू एमालेमा फर्किएको बताएका छन् ।नेकपा एमाले बाजुराको पार्टी कार्यालयमा आयोजित पत्रकार सम्मेलनमा साउँदले बाँकी जीवन एमालेको कार्यकर्ता भएर नै राजनीतिमा सक्रिय रहने बताएका छन् । साउँदले गृह वडा त्रिवेणी नगरपालिका ९ पन्ताली सहीत साविक कैलाशमाडौं गाविसमा राम्रो प्रभाव राख्ने गरेका छन् ।नेता साँउदले एक पत्रकार सम्मेलन गर्दै प्रेस विज्ञप्ती जारी गरी एमालेमा फर्किएका हुन । साथै नेता साँउदले प्रेस बिज्ञप्ती माफर्त पार्टीकाे हित र समुदायकाे बिकासका लागि पर्ने प्रतिवद्धता समेत जनाएका छन्र । नेता साउँदलाई नेकपा एमाले बाजुराले भव्य स्वागत गरेकाे छ । नवप्रवेशी साँउदलाई पार्टीमा स्थान दिने समेत एमाले बाजुराले जनाएकाे छ । पत्रकार सम्मेलनमा एमाले शिर्ष नेता कायर्यकर्ता जिल्ला स्थित संचारकर्मी लगायतकाे उपस्थिति रहेकाे थियाे ।
