399 पटक पढिएको
बाजुरा- जिल्लाको बडीमालिका नगरपालिकामा प्रमुख प्रशासकीय विहिन भएपछि आर्थिक कारोवार नहुदा सेवाग्राही प्रभावित भएको छन । विगतमा पनि आर्थिक वर्ष २०६७/०७७ मा तत्कालिन प्रमुख प्रशासकीय अधिकृत यज्ञराज अर्यालको असार ९ गते र गत आ.व. २०७७/०७८ मा ध्रुवप्रसाद कोईरालाको असार १ गते सरूवा गराईएको थियो भने यस आर्थिक वर्षको अन्त्यमा समेत प्रमुख प्रशासकीय अधिकृतको सरूवा गराईदा पालिकाको आर्थिक तथा प्रशासनिक कामकाज प्रभावित भएको छ ।
राजनितिक पुर्वागही गरेपछी प्रमुख प्रशासकिय अधिकृत प्याकुरेल बडिमालिका नगरपालिकाबाट जेष्ठ १७ गते मन्त्रालयमा सरुवा भएका हुन । नगरपालिकामा प्रमुख प्रशासकिय अधिकृत विहिन भएको करिब दुई हप्ता वित्न लाग्यो । तर प्रमुख प्रशाकिय अधिकृतको अत्तोपत्तो छैन । प्रमुख विहिन नभएको नगरपालिकामा पहिलो पटक प्रमुख प्रशासकिय अधिकृत विहिन भएको सेवा ग्राहीहरुले बताएका छन् ।
उसो त बडिमालिका नगरपालिकाका नवनिर्वाचित जनप्रतिनिधी आएको दुई हप्ता नवित्दै प्रमुख प्रशासकिय अधिकृत विहिन हुन सोभनिय नभएको सेवाग्राहीहरुले आरोप समेत लगाएका छन् । नागरिकहरुलाई छिटोछरितो सेवा दिनुको सट्टा उल्टै राजनितिक पुर्वागही राखी उच्चतहका नेताहरुको आदेश अनुशार प्रमुख प्रशासकिय अधिकृत माथी दुव्र्यवहार गरेर बडिमालिका नगरपालिकामा प्रमुख विहिन गरेको एक स्रोत जनाएको छ ।
जिल्लाको सदरमुकाममै रहेको नगरपालिकामा प्रमुख विहिन भएकाले यसको पत्यक्ष असर नागरिक तथा सेवाग्रहीहरुलाई परेको छ । नगरपालिकामा प्रमुख प्रशासकिय अधिकृत विहिन हुदा नगरपालिकाबाट दिइने सेवाहरु ठप्प रहेका छन् । असाढ मसान्त आयो तर प्रमुख प्रशासकिय अधिकृत छैन् । यो असाढ मसान्तमा यो आर्थिक बर्षका सबै भुक्तानी दिनुपर्छ ।
तर प्रमुख प्रशासकिय अधिकृत नहुदा योजनाको भुक्तानी लिन समेत समस्या भएको जनाएको छ । नगरपालिकामा आर्थिक तथा प्रशासनिक काम समेत ठप्प रहेका छन् । बडिमालिका नगरपालिकामा नवनिर्वाचित जनप्रतिनिधी आएको दुई हप्ता नवित्दै प्रमुख प्रशासकिय अधिकृत विहिन भएपछी चौतफी आलोचना समेत भइरहेको छ ।
