370 पटक पढिएको
बिमला रावल
२०७९ श्रावण १६
काठमाण्डौ– बडिमालिका नगपालिकाले बडिमालिका यात्रा पर्यटन बर्ष रुपमा सफल पार्न पत्रकार सम्मेलन गरेको छ । पर्यटन प्रबर्दधनका लागि यस वर्ष २०७९ बाट बडिमालिका बर्ष यात्रा सुरु गरिने भएकाले राज्यका तर्फबाट बिशेष पहल होस् भनेर ध्यान आर्कषण गराउन नगपालिकाले काठमाडौंमा पत्रकार सम्मेलन गरेको हो ।
मानव बिकास सूचांकमा पछाडी परेको बाजुरा जिल्लामा अवस्थित धार्मिक र पर्यटकिय संस्कृति बोकेको बडिमालिकालाई महत्व दिनका लागि राज्यका तर्फबाट बिशेष पहल होस् भन्ने ध्यान आर्कषण गर्न पत्रकार सम्मेलन गरिएको बडिमालिका नगपालिकाका नगरप्रमुख खड्काले बताए ।
नगरप्रमुख खड्काले भने–‘धार्मिक, प्राकृतिक र सांस्कृतिक हिसावले महत्व बोकेको यस स्थानलाई राज्यले नीतिगत तहमा जसरी महत्व दिनुपर्ने हो त्यो नदिएका कारणले गर्दा हामीले अहिले संघीयताको मोडलमा संघ, प्रदेश र स्थानीय तहले आ आफ्नो तर्फबाट यसको प्रचार–प्रचार र उजागर गर्न पहल गरोस् ।’
श्रावण महिनाको पुर्णिमाको दिन लाग्ने मेलालाई महत्वपुर्ण अवसरका रुपमा लिदै यस मेलाले मात्र यसको महत्व र यहाँको पर्यटकिय महत्वलाई उजागर गर्न नसकिने भएकाले त्यसका लागि त्यहाँका समग्र पर्यटन क्षेत्रमा काम गर्ने ब्यवसायिकहरुका लागि प्याकेजको रुपमा लिन कसरी प्रबर्द्धन गर्न सकिने नगरप्रमुख खड्काले बताए ।
बडिमलिका नगरप्रमुख अमर खड्का
पत्रकार सम्ममेलनमा बोल्दै बोर्डका बरिष्ठ निर्देशक हिक्मत सिहं ऐरले सुदुरपश्चिमलाई चिनाउने यस देवोभूमि बडिमालिकाको प्रचार प्रसार गर्न र राष्ट्रिय मुलधारमा ल्याउन पर्यटन बोर्डको सहयोग सदैव रहने बताए । उनले यसका लागि सुदुरपश्चिम प्रदेश सरकार र स्थानीय सरकारका निर्णयलाई कार्यन्वयन गर्न पहल गरिने बताए ।
निर्देशक ऐरले भने, “बोर्डले लामो समयदेखि यसको ब्यापक प्रचार प्रसार गर्ने तर जबसम्म यसलाई राष्ट्रिय मुलधार र टे«किङ् रुटको रुपमा जोड्न सक्दैनो यसको प्रचार प्रचार हुन सक्दैन । यसका लागि प्रदेश र स्थानीय सरकारले गरेको निर्णयलाई सहयोग गर्दै यसका लागि पहल गर्नेछौ ।”
धार्मिक आस्था र विश्वाससँग जोडिएको यस पबित्र स्थललाई यसलाई राष्ट्रिय रुपमा चिनाउने बिभिन्न कार्यक्रम गरिसकेको छ । पर्यटन ब्यवस्थापनको लागि पुर्वाधार बनाउन आबश्यक पहल प्रदेशमा गरिएको उनले बताए ।
यसअघि बडिमालिका नगरपालिकाका प्रमुख खड्का र प्रवक्त धर्मराज पाध्याय र वडा नं. ६ का वडाध्यक्ष कृष्ण खड्काले पर्यटन बोर्डका अधिकारीहरुसँग यसबारे छलफल गरिसकेका छन् ।
बाजुरा जिल्ला भौगोलिक अवस्था र बिकासका पुर्वाधारमा पछाडी परेपनि यहाँका सौन्दर्यता अतुलनीय छ । यस जिल्लामा अवस्थित बडिमालिका धार्मिक आस्था बोकेको र प्राकृतिक सुन्दरताले भरिपुर्ण नेपालका प्रमुख तिर्थस्थल मध्य एक हो । यस पवित्र स्थलमा प्रतेक बर्षको जनैपुर्णिमाको दिन भब्य पुजा लाग्ने गर्दछ ।
बडिमालिका समुन्द्री सतहबाट करिब ४ हजार २ सय २७ मीटरको उचाइमा छ । हिउँदमा सेताम्य हिउँ पर्छ, सदैव जसो चिसो सिरेटो चलिरहन्छ । चैत्रदेखि असोजसम्म मात्रै यो पवित्र स्थालमा पुग्न सम्भव हुन्छ ।
बिश्व खबरबाट साभार
