524 पटक पढिएको
बाजुराः बिहिबार दिउसो करेन्ट लागेर नेपाल बिद्युत प्राधिकरण बितरण केन्द्रका एक कर्मचरी घाइते भएका छन । जिल्लाको बुढीगंगा नगरपालिका वडा नं. १ अमकोटमा उनलाई बिद्युत करेन्ट लागेको हो ।
करेन्ट लागेर घाइते हुनेमा बडीमालिका नगरपालिका वडा नं. ८ रावल बाडाका ३५ बर्षिय भक्त रावल रहेका छन । नेपाल बिद्युत प्राधिकरण बितरण केन्द्रको टोली बिहीबार नै बिद्युत चेकजाँच गर्न बल्दे तर्फ गएको थियो । नेपाल बिद्युत प्राधिकरण वितरण केन्द्र बाजुरामा कार्यालय सहयोगी पदमा अस्थायी करारमा कार्यरत रावल यस भन्दा पहिला त्रिवेणी साना जल बिद्युतको प्राबिधिक चाैथाे तहमा कार्यरत रहेका थिए ।
बिहिवार दिउसो ३ बजेर १५ मिनेटमा दुइवटा लाईनको बिद्युत छुटाउन उनी पोलमा चढेको बेला करेन्ट लागेको हो । करेन्ट लाग्नुको मुख्य कारण के हो भनी नेपाल बिद्युत प्र्राधिकरण विरण केन्द्र बाजुराका सूचना अधिकारी केशवदत्त भट्टलाई सोध्दा दुई वटा क्रसिङ लाइनको कनेक्सन छुटाउन पोलमा चढेको बेला करेन्ट लागेको बताइएको छ । मर्मत गर्ने लाईनको बिदुत कटान निज आफैले गरेको तर अपवादमा खप्तड छेडेदह गाँउपालिकको जडान छुट्टाएर उनी पोलमा चढ्दा करेन्ट लागेको हुन सक्ने सूचना अधिकारी भट्टले बताएका छन ।
विद्युतको पोलमै करेन्ट लागेर अचेत अवस्थामा रहेका रावललाई संगै गएका कर्मचारीहरुले लौरीको सहायताले छुटाएको सूचना अधिकारी भट्टको भनाइ रहेको छ । करेन्ट लागेर सक्त घाइते भएका रावलको करेन्टले हात चुटालेर लिएको पाइएको छ भने मुटु र मृगौलामा करेन्टले ठुलो क्षति पुर्याएकोले झिनाे मात्र बाँच्ने आसा रहेको छ । अचेत अवस्थामा रहेका रावलको थप उपचारका लागि बिहीबार दिउसो नै अछामको बयालपाटा अस्पताल लगिएको छ । सुचना अधिकारी भट्टका अनुसार अचेत अवस्थामा रहेका रावलको बाँच्ने सम्भावना झिनाे रहेको पाइएको छ ।
घाइते रावलको अवस्था गम्भिर रहेको छ । गम्भिर अवस्थामा करेन्ट लागेका रावलको थप उपचारका लागि काठमाण्डौ लिन हेलीकप्टरको ब्यबस्था गरि रहेको पनि सूचना अधिकारी भट्टको भनाइ रहेको छ ।
