बाजुरा-नेपाल विद्यार्थी संघ बाजुरा क्याम्पस इकाई समितीले बाजुरा क्याम्पसमा सरसफाई गरेको छ । सोमबार शहिद दिवसको अवसरमा नेपाल विद्यार्थी संघमा आवद्ध विद्यार्थीहरुको सहभागीतामा क्याम्पस परिसर सरफाई गरिएको हो ।

सरसफाई कार्यक्रम पश्चात् एक औपचारिक कार्यक्रमका बिच शहिद दिवस मनाएकाे छ । चार जना शहिदहरु प्रति श्रद्धाञ्जली व्यक्त गर्नुका साथै शुक्रराज शास्त्री, धर्मभक्त माथेमा, दशरथ चन्द र गंगालाल श्रेष्ठलगायत सम्पूर्ण शहीदप्रति श्रद्धाञ्जलि अर्पण गर्दै चारै जना शहिदहरुको फोटोमा माल्यापण गरी नेविसंघ बाजुरा क्याम्पस इकाई समितिले शहिद दिवस मनाएको नेपाल विद्यार्थी संघ बाजुरा क्याम्पस इकाई समिति बाजुराले जनाएको छ । नेविसंघ बाजुरा क्याम्पस इकाई समितिका सदस्य बल बहादुर बोहराको अध्यक्षतामा सुरु भएको कार्यक्रममा प्रमुख अथिती नेविसंघ बाजुराका जिल्ला अध्यक्ष जनक बहादुर थापा रहेका थिए । कार्यक्रममा क्याम्पसमा अध्ययनरत नेविसंघमा आवद्ध विद्यार्थीको उपस्थिति रहेको थियो ।

कार्यक्रममा बोल्दै कार्यक्रमका प्रमुख अथिती नेविसंघ जिल्ला अध्यक्ष जनक थापाले नागरिक स्वतन्त्रता, लोकतन्त्रको स्थापना र राष्ट्रियताको रक्षाका लागि अमूल्य जीवन उत्सर्ग गर्ने ज्ञात–अज्ञात शहिदहरु प्रति श्रदा सुमन व्यक्त गर्दै सहिदहरुको योगदानलाई कहिले भुल्न नहुने बताएका छन् ।नेविसंघले बिद्यार्थीकाे हक हितका लागी मात्र नभई अनियमिता, अत्याचार, भष्टचार, दराचार, कु्ररुति, कुसंस्कानरका लागी समेत आफ्ना आवाजहरु बुलन्द गर्दै आएको हुँदा शहिदहरुले देखाएको बाटोमा हिड्नुपर्नेमा थापाले जोड दिएका छन् । आज उपभोग गरिरहेको स्वतन्त्रता र नागरिक अधिकार विगतमा शहीदले गरेको बलिदानको प्रतिफल रहेको बताउदैँ शहिदहरुको सपना समाकार गर्न सवैले हातेमालो गर्नुपर्ने बताए । शहीदहरूको बलिदानद्वारा प्राप्त भएको सङ्घीय लोकतान्त्रिक गणतन्त्रात्मक शासन व्यवस्थाको माध्यमद्वारा दिगो शान्ति, सुशासन, विकास र समृद्धिको आकांक्षा पूरा गर्नेतर्फ अग्रसर हुनु नै सहिदहरुको सपना साकार गर्नु सरह हुने थापको भनाई छ । शहीदको बलिदानलाई उच्च सम्मान गर्दै उनीहरूको सपना साकार पर्न सकेमा मात्र सहिदहरुको कदर हुने र सहिदहरुप्रतिको सम्मान रहिरहने उनले बताए ।

प्रत्येक वर्ष माघ १६ गते मनाइने शहीद दिवस प्रजातन्त्र स्थापना एवं पुनस्र्थापना तथा विभिन्न कालखण्डका स्वतन्त्रताका लागि जीवन आहुति दिने शहीदको सम्झनामा विविध कार्यक्रम गरी आज देशभर मनाइँदैछ। साेही अवसरमा बाजुरा क्ययाम्हीपस इकाइ समितिले पनि सरसपाइ संगै शहिद दिवस मनाएकाे हाे । माघ १० देखि १६ गतेसम्म विभिन्न कार्यक्रमका साथ शहीद सप्ताह मनाउने घोषणा गरी विविध कार्यक्रम हुँदै आएको छ। विसं २०१२ देखि नै तत्कालीन काठमाडौँ नगरपालिकाको संयोजकत्वमा प्रत्येक वर्ष माघ १६ गते शहीदको सम्झनामा दिवस मनाउन थालिएको हो।स्वतन्त्रताको माग गर्दा विसं १९९७ मा शहीद शुक्रराज शास्त्रीलाई माघ १० गते काठमाडौँको टेकुस्थित पचलीमा, माघ १३ गते धर्मभक्त माथेमालाई सिफलमा र गङ्गालाल श्रेष्ठ एवं दशरथ चन्दलाई माघ १५ गते शोभाभगवतीमा राणा शासकले मृत्युदण्ड दिएका थिए।