425 पटक पढिएको
बाजुरा- नेपाल विद्यार्थी संघ बाजुराले सहिद दिवसको अवसरमा बाजुरा क्याम्पस परिसर भित्र सरसफाई गरेर सहिद दिवस मनाईएको छ।
सोमबार बिहान बाजुरा क्याम्पसमा अध्यानरत नेपाल विद्यार्थी संघ बाजुराका विद्यार्थीहरुले सहिदहरुको फोटोमा माल्याम्पण गर्दै दिवस मनाईएको नेविसंघ बाजुरा क्याम्पस इकाई सदस्य बल बहादुर बोहोराले बताएका छन् । उनका अनुशार बाजुरा क्याम्पस परिसर भित्र कागजका टुक्रा र नालीमा रहेको फोहोर व्यवस्थापन गरी सहिद दिवस मनाईको छ ।
सहिद शुक्रराज शास्त्री, धर्मभक्त माथेमा, दशरथ चन्द र गंगालाल श्रेष्ठलको फोटोमा माल्यापण गरी नेपाल विद्यार्थी संघ बाजुराका अध्यक्ष जनक थापा लगाएत बाजुरा क्याम्पसमा अध्यानरत विद्यार्थीहरुले श्रद्धाञ्जलि अर्पण समेत गरेका छन् ।
नेपाल विद्यार्थी संघ बाजुरा क्याम्पस इकाई समितिका सदस्य बल बहादुर बोहराको अध्यक्षतामा संचालन भएको कार्यक्रमको प्रमुखअथिती नेविसंघ बाजुराका अध्यक्ष जनक बहादुर थापा रहनु भएको थियो । भने कार्यक्रममा क्याम्पस उपप्रध्यापक रुपक रौले , प्रध्यापक विस्नु रोकाया,मदन रोकाया लगाएत क्याम्पसमा अध्ययनरत विद्यार्थीहरुको सहभागिता रहेको थियो । शहीद दिवस प्रजातन्त्र स्थापना एवं पुनस्र्थापना तथा विभिन्न कालखण्डका स्वतन्त्रताका लागि जीवन आहुति दिने शहीदको सम्झनामा विविध कार्यक्रम गरी आज देशभर मनाइँदैछ।
माघ १० देखि १६ गतेसम्म विभिन्न कार्यक्रमका साथ शहीद सप्ताह मनाउने घोषणा गरी विविध कार्यक्रम हुँदै आएको छ। विसं २०१२ देखि नै तत्कालीन काठमाडौँ नगरपालिकाको संयोजकत्वमा प्रत्येक वर्ष माघ १६ गते शहीदको सम्झनामा दिवस मनाउन थालिएको हो।स्वतन्त्रताको माग गर्दा विसं १९९७ मा शहीद शुक्रराज शास्त्रीलाई माघ १० गते काठमाडौँको टेकुस्थित पचलीमा, माघ १३ गते धर्मभक्त माथेमालाई सिफलमा र गङ्गालाल श्रेष्ठ एवं दशरथ चन्दलाई माघ १५ गते शोभाभगवतीमा राणा शासकले मृत्युदण्ड दिएका थिए।
