383 पटक पढिएको
बाजुरा– जिल्लाको गौमुल गाउँपालिकाका भूकम्प पिडितलाई राहत वितरण गरीएको छ । जिल्लाको प्रदेश निर्वाचन क्षेत्र ख बाट निर्बाचित सुदूरपश्चिम प्रदेश सभा सदस्य माननीय पदमबहादुर शाहीको पहलमा गौमुलका भूकम्प पिडितलाई राहत वितरण गरीएको हो । प्रदेश साँसद शाहीको पहलमा गौमुल गाउँपालिकाका ६ वटै वडाका करीव ९० परिवारलाई राहत वितरण गरीएको छ । पालिकामै पुगेर नेपाली काँग्रेस बाजुराका निवर्तमान पाटी सभापति कविराज पण्डित सहितको टोलिले उक्त राहत वितरण गरेका छन् । ९० परिवार भूकम्प पिडितलाई त्रिपाल, कम्बल र सरसफाईका सामाग्री वितरण गरीएको छ ।
प्रमुख अतिथि समेत रहनुभएका नेपाली काँग्रेस बाजुराका निवर्तमान पाटी सभापति कविराज पण्डितले नेपाली काँग्रेस सधै जनताकोृ दुख सुखको साथि भएर अघाडी बढीरहेको बताउदै सानो सहयोगले भूकम्प पिडितलाई मलम लगाउने प्रयास गरेको बताउनुभयो । काँग्रेस जनताको सेवा गर्ने पाटी भएकोले सधै जनताको साथमा रहेर काम गरीरहेको बताउनुभयो । कार्यक्रममा बोल्दै नेपाली काँग्रेस बाजुराका निवर्तमान जिल्ला कार्यसमिति सदस्य उमा रोकायाले पाटीगत हिसावले नभई समग्र गौमुलका जनताको सहयोगमा आफु हरपल लागिरहेको बताउनुभएको छ ।
नेपाली काँग्रेस गौमुल गाउँकार्यसमितिका सभापति राजबहादुर धामीको अध्यक्षतामा संचालनभएको राहत वितरण कार्यक्रमको प्रमुख अतिथि नेपाली काँग्रेस बाजुराका निवर्तमान पाटी सभापति कविराज पण्डित रहनुभएको थियो । काँग्रेस बाजुराका निवर्तमान जिल्ला कार्यसमिति सदस्य उमा रोकाया, काँग्रेस कार्यालय सचिव टेकबहादुर रोकाया, काँग्रेस नेता धनलाल रोकाया लगायतको सहभागिता रहेको थियो । नेपाली काँग्रस गौमुल गाउँकार्य समितीका उप–सभापति मंगल रोकायाले स्वगत मन्तब्य राखेको कार्यक्रमको संचालन काँग्रेस गौमुलका सचिव अर्जुन बोहराले गर्नुभएको थियो ।
